Hinangaan ng netizens ang TV host na si Amy Perez dahil hindi ito nagpatinag sa kanyang trabaho kahit pinatunog na ang fire alarm sa ABS-CBN building.
Habang ini-intro ni Amy ang isang balita sa programa nilang Sakto sa TeleRadyo, biglang tumunog ang fire alarm sa studio bandang 7:03 ng umaga ngayong Martes, September 6, 2022.
Sa post ng co-host niyang si Jeff Canoy, humingi ito ng dispensa dahil kaagad silang nagpaalam sa ere dahil sa sunog.
Saad ni Jeff, “Sorry guys, we had to cut our morning news show earlier. Had to evacuate after smoke alarms went off at the ABS-CBN main building.
“Thanks for the kind messages. We’re all okay. And heading back to work.”
Sunod naman niyang sinaluduhan si Amy na itinuloy at tinapos ang nakaatang na spiels saka ito nag-cue ng commercial bago sila lumisan sa studio.
Dagdag pa ni Jeff, “Here’s Tyang @amypcastillo trying to get through a news item before we had to evacuate. Fighting!”
Sa video, nakangiti lang si Amy kahit na naririnig na ang smoke alarm.
Tanong pa niya sa gitna ng kanyang spiel: “Ano ba yang alarm na naririnig natin? O, mamaya. Recess na?”
Sa kabila nito ay idiniretso pa rin niya ang pagbabalita.
View this post on Instagram
Sa comments section, humanga ang netizens sa pagiging professional ni Amy sa kanyang trabaho.
May nagsabi namang literal na ipinakita ni Amy ang “grace under fire.”
Saad naman ng isa, “Congratulations Tsang @amypcastillo for keeping calm even though feeling ko deep inside gusto nyo na pong mag Darna para makalabas ng studio, good to hear everyone's okay”
Nagkaroon ng sunog sa isang bahagi ng ABS-CBN compound kaninang umaga na naging dahilan upang matigil ang lahat ng live programs ng istasyon.