Kinumpirma ni Ciara Sotto na isang morning show ang sisimulan niyang gawin sa ALLTV kasama sina Ruffa Gutierrez at Mariel Rodriguez.
Taliwas ito sa lumabas na balitang sina Toni Gonzaga, Sarah Lahbati, at Ruffa Gutierrez ang napipisil na hosts sa isang morning show na niluluto ng ALLTV station.
Eksklusibong nakapanayam ng PEP.ph (Philippine Entertainment Portal) si Ciara sa 13th Star Awards For Music na ginanap sa Newport Performing Arts Theater noong October 12, 2022.
Hindi maitago ng aktres ang excitement sa pagbabalik-telebisyon niya, "Morning show ito, it's for mommies. Grabe, sobrang excited [ako].
"Bukas magkikita kaming tatlo. Excited kasi first time kong magto-talk show. Di ba, parati akong variety show?
"First time [ko], so excited ako, lalo na yung dalawa pa ang kasama ko, so lovable."
Ang ALLTV ay ang TV station ng Advanced Media Broadcasting Corporation (AMBS), na pag-aari ng business tycoon na si Manny Villar.
Si Ciara ang panglimang artista na pumirma ng exclusive contract sa ALL TV noong September 7, 2022.
Sabi ni Ciara sa big bosses ng network, "I am honored to be considered as one of your talents, and I am very, very excited to work with all of you.
"God bless you and I promise I’d do my best, and I am very, very easy to work with."
- Ciara Sotto pumirma na rin ng kontrata sa ALLTV
- Ciara Sotto still friends with ex-husband; answers question about cheating
- Ciara Sotto on Senator Kiko Pangilinan's VP bid: "I cried because I am so hurt and disappointed"
- Sharon Cuneta reconciles with Tito Sotto and family