Tumatak sa isip ni James Reid ang insidenteng napagalitan at nasigawan siya ng box-office director ng ABS-CBN na si Cathy Garcia-Molina.
Sa "Guilty or Not Guilty Challenge" ng PEP Spotlight, inamin niya ang embarrassing moment niyang iyon.
Baguhan pa lang noon si James.
Taong 2010 nang tanghalin siyang big winner sa ABS-CBN franchise reality show na Pinoy Big Brother Teen Clash of 2010.
At ang defunct Kapamilya series na Pintada (2012), na pinagbibidahan nina Denise Laurel at Martin del Rosario, ang isa sa mga unang acting stint niya.
Kuwento ni James: "I did this teleserye a long long time ago. It was one of my first roles ever. And then it was Direk Cathy.
"It was bad. The director's booth was, like, five meters away from where we were. And then she screamed through the microphone. The speakers [blasted], 'Cuuuuttt!!!'
"And then she walked all the way... so that she came down to the set and screamed at me."
Aminado si James na wala pa siyang alam masyado sa pag-arte noon.
"It was my first time ever on a TV set," napapangiting saad ni James.
Nang kumalma na ang lahat ay kinausap naman daw siya ni Direk Cathy, na kilalang istrikto sa set pero malapit din sa mga artistang nahahawakan niya.
Patuloy ni James, "After which, she apologized to me. 'Yo, I was just making sure that you were taking this seriously. You know, you give it your all.'
"She encouraged me afterwards."
Pero diin ni James, "But, it was bad. She really gave it to me."
Tanong ng PEP.ph: na-motivate ba siya na pag-igihan ang pag-arte pagkatapos niyang mapagalitan noon?
Sagot ni James, "Defintely. It made me take it very seriously, and respect everyone's time, and it made me give my best when it counts.
"Yeah, she really inspired me afterwards.
"But in the moment, I felt like crawling up like a little ball and jumping in the river."
Nakapanayam ng PEP.ph (Philippine Entertainment Portal) si James sa PEP Spotlight kunsaan ibinahagi niyang tutok siya ngayon sa kanyang music career.
Kakalabas lang nitong 2022 ang 10-track album niya na Lovescene, kunsaan may collab sila ng Los Angeles-based singer na si Destiny Rogers.
Abala rin si James bilang president at founder ng Careless Music, isang independent record label at talent management company.
Nang tanungin kung babalik ba siya sa pag-arte, napangiti si James at sinabing naghihintay lang siya ng "perfect timing."
MORE STORIES