Masamang tao at walanghiya si Moira Tanyag na buong husay na ginagampanan ni Pinky Amador sa GMA-7 teleserye na Abot Kamay na Pangarap.
Minsan, may mga viewers na “nadadala” sa acting ng isang artista, na naniniwalang sa tunay na buhay ay salbahe talaga ang artistang kontrabida na napapanood sa telebisyon o pelikula.
Kaya tinanong namin si Pinky kung may umaway na sa kanya sa mall o anumang pampublikong lugar?
Lahad niya, “Wala pa naman! Pero online marami!
“Ay, grabe yung mga talagang…di ba sa Tiktok sumasayaw kami? Comment nila, ‘Hindi ka naman marunong sumayaw, dalawang kaliwa ang paa mo!’
“Parang pagtingin ko hindi naman, pero… so I deal with them different ways. Yung iba pag talagang bastos na or like there are slurs or talagang cussing, or talagang yung hindi lang nadala sa istorya, minsan ini-screenshot ko tapos pinu-post ko, para naman may accountability tayo ng konti, di ba?
“A netizen came up with the hashtag #HateTheCharacterLoveTheActress and we adopted that, and so far, it has had a positive, educating effect.
“Pero yung mga nadadala lang sa show, okay lang yun. Kasi if you really know the power of storytelling, you know na may madadala at madadala, kaya nga kayo nandiyan, di ba?
“Para madala sila sa kuwento niyo. So yun, I think if anything, Abot Kamay is a testament to the power of storytelling and the brilliance of the creative team.”
PINKY GIVES DUE CREDIT TO ABOT KAMAY PRODUCTION TEAM
Naniniwala ba si Pinky na may ganoong senaryo dahil ang husay-husay niya bilang salbaheng si Moira?
Pagpapakumbaba niyang pahayag, “Parang huwag naman ako lang, kasi hindi naman ako ang nagsulat ng lines ko, di ba?
“Tsaka I have to give credit to our director, who does not just… hindi lang niya hinahayaan ako na, ‘Oh ‘wag puro galit, ‘wag puro sigaw, let’s go emotional, para makuha mo yung loob ni RJ.’ Ganun.
“Or, ‘Ms. Pinky ibahin natin yung ganun.’ Yung he has a good grasp of the whole scope of the show and what each character plays to push the story forward, so naa-appreciate ko yun kasi ang dami ko ding natututunan sa kanya, parang ‘Ay, hindi pala puro barda [bardagulan], hindi puro sabunutan.’
“Tsaka if you notice, every untoward action, let’s say sampal, sabunot, laging may trigger, laging may trigger sa dialogue or sa action.
“So dun pa lang makikita mo na it’s not just a one-dimensional character, di ba? Kahit ikaw ba naman sabihan ka na ‘sana si Lyneth na lang ang naging asawa ni Robert, hindi ikaw,’ di ba yung mga ganun sa totoong buhay masakit yun, di ba? So yun, hinahanapan ng director.”
Ang Abot Kamay na Pangarap na seryeng napapanood sa GMA ay sa direksyon ni LA Madridejos at tinatampukan nina Jillian Ward bilang Dra. Analyn Santos, Carmina Villarroel bilang Lyneth Santos, Richard Yap bilang Dr. Robert “RJ” Tanyag, Kazel Kinouchi bilang Zoey Tanyag, Allan Dizon bilang Dr. Carlos Benitez at marami pang iba.
PINKY ENJOYS BONDING WITH ABOT KAMAY CO-STAR DINA BONNEVIE
May mahalagang papel rin sa serye ang batikang aktres na si Dina Bonnevie bilang si Giselle Tanyag na madalas kaeksena ni Pinky.
Kumusta kaeksena si Dina?
“Hay naku, ang sarap!” bulalas ni Pinky.
“You know, I’ve known Dina for 36 years, kasi first movie ko, siya yung bida, ako yung kontrabida, Magdusa Ka [1986], kaya ang tagal-tagal ko na siyang kilala.
“Tsaka siyempre pagdating sa cast, parang ako yung ka-chika niya, e.
“Kasi like Mina [Carmina] kasi is always on set, so kami lagi yung magka-chika, tapos kunwari merong outing, may get-together, ako lagi yung hinahanap niya.
“Actually, the others say, ‘Hala, nandiyan na si Ms. D!’ Sabi ko, ‘Hindi, ang bait-bait kaya niyan, ‘noh!’
“I mean, her persona is just ‘what you see is what you get,’ di ba? Simple as that. E, di behave ka, wag kang maldita. E, di tapos ang kuwento.’
“Naku, she always shares her food! E, ang takaw-takaw ko pa naman!
“Laging ‘Ms. D anong ulam natin for lunch?’ at tumawa si Pinky.
“E, lagi naman talaga siyang… she really brings food to share, ganun siya. So yun, ang dami naming bonding sa set, apart from the Tiktok, apart from ganyan.
“Kanya-kanya kaming toka sa pagpapabili ng pagkain or merienda. Ang saya lang, ang suwerte namin na parang you wake up and you want to go to work, hindi yung you wake up and, ‘I’m so tired, ayoko na,’ walang ganun.
“Actually, meron kaming GC [group chat], siyempre merong GC yung buong cast.
“Pero meron kaming GC na ‘roomies,’ kasi kami lagi ang magkaka-roommate dati nung nasa isang location kami. So that’s Richard Yap, Chuckie Dreyfuss, Che Cocio-Ramos, Kazen Kinouchi and myself, so meron kaming GC na kami-kami lang.
“Actually, lahat kami magkaka-wavelength kasi isipin mo, ang tagal na naming magkakasama, tapos ang taping namin four times a week. So ang pinaka… the least that you see someone is once a week, and that’s been going on for what… 11 months, 12 months na kami in July.
“Tsaka ang suwerte namin na walang may ere, walang ganun. I think yun nga ang sinasabi namin dun sa mga bagets. ‘Alam mo ang suwerte niyo, kasi lahat nung mga tanders, lahat nung mga ‘magulang’ are all cool,’ we all…
“In fact, kami nga yung makukulit, sila yung behaved, kami yung makukulit.
“Ako nga yung laging, ‘Hoy, halika na mag-Tiktok na tayo!’ Ganun.
“Ako yung tagatawag, tapos hindi sila maka-hindi sa akin. So, ang saya kasi ang dami namin.”
PINKY FINDS TIME FOR NON-SHOWBIZ VENTURES
Sa mga hindi nakakaalam, bukod sa pagiging aktres sa telebisyon, pelikula at teatro ay isa ring drama teacher si Pinky.
“I’m at this point in my career where I need to be giving back. That’s where you find the satisfaction. That happened when I started teaching. I became head of the drama department of Mint College [2011 -2015].”
Lumipat si Pinky sa Thames International kung saan kumuha siya ng kursong Innovative and Creative Enterprise at nagturo ng Basic Acting and Performance Arts.
“During the pandemic, all our income dropped, if not vanished. So, it was teaching that buoyed me up.
“I was able to form my own start-up [Amador Creative Concepts]. I give workshops to groups, individuals, organizational workshops. I am teaching basic acting and performance arts.
“We are a mission-based educational and consulting agency. We also offer corporate, private, and educational workshops to companies, organizations and individuals.”
May speaking engagement si Pinky, sa ilalim ng kanyang Amador Creative Concepts, bilang resource person at lecturer sa Likha Creative Summit sa September 21 sa Crowne Plaza Hotel.
Nagtuturo rin siya ng Theater Acting matapos kumpletuhin ang kanyang Master’s Degree in Theater sa United Kingdom sa pamamagitan ng isang scholarship mula sa British Council.
Nag-aral rin siya sa Bristol Old Vic Theater School na affiliated sa University of West England.
Ang namamahala ng showbiz career ni Pinky ay si Arnold Vegafria ng ALV Talent Circuit.