Nagpasalamat ang GMA-7 actor na si Dennis Trillo sa ABS-CBN actor na si Coco Martin.
Ito ay dahil nag-like si Coco Martin sa Instagram post ni Dennis tungkol sa bagong Kapuso teleserye na Cain At Abel.
Ang Cain At Abel, na pinagbibidahan nina Dennis at Dingdong Dantes, ang bagong kalabang programa ng Kapamilya teleserye ni Coco na FPJ's Ang Probinsyano.
Nagsimulang umere ang Cain At Abel kagabi, November 19.
Sabi ni Dennis sa caption, "Salamat sa pag like Cardo @mr.cocomartin"
Cardo ang pangalan ni Coco sa kanyang teleserye, na tumatakbo na ng mahigit tatlong taon sa telebisyon.
Nag-iwan din ng comment si Coco Martin sa Instagram post ni Dennis.
Sabi niya, "Congrats Bro sana magkatrabaho tayo soon!!!"
Isa sa mga nag-react sa post ni Dennis ay ang GMA-7 actress na si Angelika dela Cruz, na dating kasama ni Dennis sa Dwarfina (2011) at Biritera (2012).
Ani Angelika, "Iba ka @mr.cocomartin"
(Read: Times When Coco Martin reached out to GMA-7 stars via Instagram)