Alam mo ba kung ano ang "tahaklaw"? E ang "talungkasin"? Alam kaya ng mga artistang ito?

Hinamon ng PEP ang ilang sikat na artistang ito kung alam ba nila ang ibig sabihin ng ilang taal na salitang Filipino.

The PEP Buwan ng Wika Challenge

Video: PEP Multimedia Team | Edit: Joedi Bellen

Nung Enero 17, 1997, idineklara ni Pangulong Fidel V. Ramos ang Proklamasyon Bilang 1041 na nagpapalawig ng pagdiriwang ng pagmamahal sa Wikang Filipino sa loob ng isang buwan tuwing Agosto, mula sa nakasanayan na noong isang linggo lamang.

Dating ipinagdiriwang ang "Linggo ng Wika" mula Agosto 13 hanggang 19 (ang petsa ng kapangananakan ng itinuturing na Ama ng Wikang Pambansa na si Pangulong Manuel L. Quezon), ayon na rin sa Proklamasyon Bilang 186 na nilagdaan ni Pangulong Ramon Magsaysay noong Septyembre 23, 1955.

Hanggang noong 1997 nga na ginawa nang "Buwan ng Wika" ang pagdiriwang, kunsaan kabilang sa mga kaganapan ang mga paggawa ng islogan o sawikain, balagtasan, sabayang pagbigkas, paggawa ng mga sanaysay at tula, pagsayaw ng mga katutubong sayawin, at pagkanta ng mga katutubong awitin.

Kami naman dito sa PEP.ph (Philippine Entertainment Portal) ay nakikiisa sa pagdiriwang sa pamamagitan ng pagpapaalala sa mga bagong henerasyon ng ilang mga salitang Filipino sa tulong na rin ng ating mga sikat at kilalang artista.

Heto ang aming PEP 'Buwan ng Wika' Challenge, kasama sina Alden Richards, Maine Mendoza, Pia Guanio, Juancho Trivino, Ryan Agoncillo, Pauleen Luna, Allan K, Rayver Cruz, Joey de Leon, Louise delos Reyes, at Ruby Rodriguez.


Maraming salamat sa pahinang Facebook ng Talasalitaang Filipino-Filipino Word Porn para sa mga salitang Filipino na aming ginamit.

RELATED VIDEOS


COMMENTS

Loading comments

LATEST


WE RECOMMEND


FROM THE SUMMIT MEDIA NETWORK


SPONSORED CONTENT





THIS JUST IN