Bilang isa sa mga malapit na kaibigan ni Regine Velasquez, tinanong ng PEP (Philippine Entertainment Portal) si Gabby Eigenmann kung ano na ang nangyayari kay Regine ngayon pagkatapos ng magulong usapin na kinasangkutan nito kailan lang.
Nasagot naman ni Gabby ang aming katanungan at sinabi nga nito na two weeks
from now ay babalik na raw ulit si Regine sa SOP. Tamang-tama raw dahil
malapit na rin ang birthday ni Gabby at gagawin daw ang kanyang birthday celebration sa SOP.
Nakagawa ng malaking ingay ang pag-iyak ni Regine two weeks ago sa naturang
show. Pagpapaalam daw ito ng Songbird sa kanyang fans sa GMA-7 at sa SOP
family. Buong akala nga ng lahat ay sa ABS-CBN na ang tuloy ni Regine, pero
dahil sa pagde-deny raw ng Kapamilya network na in-offer-an nila ito, malabo nang matuloy ang paglipat ng Asia's Songbird.
Naintindihan naman daw ni Gabby ang mga pinagdadaanan ngayon ng kaibigan niyang
si Regine. May nalalaman siya sa diumano'y tampo ni Regine sa Kapuso network, pero quiet na lang daw si Gabby sa mga nalalaman niya.
"Pabayaan na lang natin si Regine at ang mga nakakaalam sa career niya to do
their thing. Bilang kaibigan ni Regine, naiintindihan ko siya and in a way, may
katwiran naman silang gawin iyon.
"But what's important ay babalik si Regine sa SOP at maayos na sana ang
lahat. Yun naman ang hope ng maraming taga-GMA, na wala nang mangyaring ganun
ulit between Regine and GMA-7. After
all, matagal na ang pinagsamahan nilang dalawa and things will eventually turn
out okay naman," pahayag ni Gabby.
Patapos na ang Marimar ngayong March, at hindi pa alam ni Gabby kung
ano ang magiging next show niya. Habang naghihintay siya, baka ituloy na niya
ang pagwo-workout sa gym para pumayat at gumanda ang hubog ng katawan niya.
Sa ngayon, ang pagtulong sa pagpu-promote ng pelikulang Half Blood Samurai
ang pinagkakaabalahan ni Gabby, kung saan ang role niya ay bilang kapatid ni Jennylyn
Mercado.