Nagpadala na ng text message sa PEP (Philippine Entertainment Portal) ang aktres na si Isabel Granada. Humingi rin siya ng paumanhin sa hindi niya pagsagot agad sa tanong namin tungkol sa diumano'y hindi magandang karanasan niya sa shooting ng Pirate's Blood sa Oman.
Ang Pirate's Blood ay tungkol sa pitong Asian-Americans na biglang nanganib ang mga buhay habang nagbabakasyon nang masangkot sila sa misteryong nakapaligid sa kayamanang pag-aari pala ng mga pirata.
Natapos ni Isabel ang pagsu-shoot niya ng movie sa Oman, at nakauwi na sa Pilipinas in time for the presscon of Kaputol ng Isang Awit kung saan kasama siya sa cast. Sa mismong presscon ng naturang Sine Novela, nalaman ng PEP (Philippine Entertainment Portal) na nagkaroon pala siya ng bad experience habang sinu-shoot niya ang Pirate's Blood.
Nag-decline si Isabel na magkomento tungkol sa sinasabing bad experience niya. Sinabi na lang nito na naayos na raw ang problema niya at hindi na siya nagkuwento pa.
Sinikap naming malaman mula kay Isabel ang buong istorya ng nabanggit na bad experience niya sa Pirate's Blood, pero natagalan bago sumagot ang dating child star.
Until finally, heto ang sagot ni Isabel sa amin:
"Experience working with different races is not hard naman po. Mabait at madali rin silang katrabaho. Even our director Mark Ratering is a jolly person.
"Our producers, Mr. Mohsin and Mr. Prim are both kind people. But sometimes things happen na hindi mo inaasahan, like problems with our professional fees which may check namang inabot, pero dated after a month na tapos ang shoot.
"Kasi Mr. Mohsin was betrayed by his co-investors. But I told him na hindi naman ako involved sa usapan nila. So knowing people from U.A.E., they take their word and hoping soon po ako mabayaran with the help of the Philippine Embassy in Oman."