Usap-usapan na diumano ay nagpahayag daw ang veteran actress na si Amalia Fuentes na siya na ang bagong mauupong chairman ng Movie and Television Review and Classification Board. Matatandaang noon ay nagkaroon na rin ng chairperson ang MTRCB na isa ring artista, si Armida Siguion-Reyna.
Ayon pa raw kay Amalia, gusto rin daw nitong makapaglingkod sa bayan, pero sa ibang paraan at ito nga ay ang mapili kung anong mga palabas lamang ang dapat na napapanood ng mga bata.
Pero sa panayam ng Showbiz Central kay Chairperson Consoliza Laguardia sa mismong opisina nito, tahasan nitong sinabi na she's still the current chairman of MTRCB.
"As you can see, I'm still occupying the room of the chairperson. It only means, I'm still the current chairperson and nobody else. Board member siya [Amalia] at wine-welcome din namin siya rito.
"I am sure, makakatulong siya sa industriya at sa MTRCB rin," nawika pa ng MTRCB chair about Amalia Fuentes.
Kaugnay ng naturang interview, sinikap naman daw ng Showbiz Central na makuhanan ng pahayag si Amalia, pero, nag-beg-off daw ito dahil paos daw. Instead, nagpadala na lamang siya ng isang text message.
Ayon kay Amalia, "I just want to correct the write-up that my appointment as MTRCB chief is wrong. I'm now a board member like many in the board. And I'm grateful to PGMA [President Gloria Macapagal Arroyo] for the honor of serving under her MTRCB, being under the office of the President."
At sa isyung papalitan na nga raw si Chairperson Laguardia?
"Hindi naman natin maalis ‘yan," sagot naman nga ni Laguardia. "Siyempre, merong may gusto sa akin, merong hindi gusto sa akin. Pero ako, ginagampanan ko ang trabaho ko sa abot ng makakaya ko."
Nilinaw rin niya ang negative write-up sa pagitan nila ni Amalia at sa pagpasok ng actress bilang Board Member ng MTRCB.
"Welcome to MTRCB. With the few times na nagpunta ka rito sa MTRCB, nakita mo naman meron kang picture with me," sabay turo nito sa pader niya na may kuha nga sila ni Amalia. "So, hindi totoo ‘yang whatsoever negative between us. So, happy and exciting to work with you," ang positibo namang mga pahayag ng present chairperson pa rin.