Sa rainy launch ng pinakabagong album ni Sarah Geronimo sa Viva Records na Just Me kahapon ng tanghali, September 10, kinanta ni Sarah ang title at theme song ng hit movie nila ni John Lloyd from Star Cinema na A Very Special Love. By request lang ito dahil hindi ito kasama sa 16-track album niya, kung saan isang duet with the Backstreet Boys member Howie Dorough na "I'll Be There" ang carrier song.
Napa-"wohoo!" si Sarah nang nai-report sa kanya na nasa seventh week na ang A Very Special Love nila ni John Lloyd sa mga sinehan and still going strong. Nabanggit na rin na may follow-up movie na sina Sarah at John Lloyd sa Star Cinema at next year ito ipalalabas. Isa sa mga tanong patungkol sa follow-up movie, baka raw ito ang gawing Valentine presentation ng Star Cinema next year.
Mahigit dalawang linggo na ang nakararaan, nakausap na namin si Roxy Liquigan of Star Cinema tungkol dito. Nagkaroon kasi ng balita na baka pang-Valentine presentation ng Star Cinema ang second John Lloyd-Sarah movie at makatapat ito ng second movie rin nina Richard at KC, this time from GMA Films and Regal Entertainment, sa direction ni Joey Reyes. Walang makapag-confirm ngunit sa kontrata ng Star Cinema at GMA Films para sa mga respective Richard-KC movies nila, may nakasaad daw na hindi ito tatapatan ng either film outfit.
Nakumpirma ng PEP (Philippine Entertainment Portal) kay Roxy na hindi nga pang-Valentine ang second movie nina John Lloyd at Sarah. Ang balak nila para sa pelikula, opener ng Star Cinema para sa 2009, kaya't Enero ito ilalabas. Ang pang-February presentation daw ng Star Cinema ay isang Maricel Soriano-starrer at post-Valentine ito, o baka end of February ipalalabas.
Wala pang sinisimulan sa tatlong nasabing pelikula dahil lahat ay pawang nasa pre-production phase pa.