Sa live interview ni Aiko Melendez sa The Buzz noong Linggo, July 3, marami ang nakapansin na tila wala nang bitterness sa kanya at positibo na ang aura ng aktres.
Ayon kay Aiko, maganda na ang relasyon niya sa dalawang ama ng kanyang mga anak, sina Jomari Yllana at Martin Jickain. Bukas din siya na maaaring pagdating ng araw ay maging magkaibigan pa sila ng ex-boyfriend niyang si Mayor Patrick Meneses. (CLICK HERE to read related story.)
Sa panayam naman ng PEP.ph (Philippine Entertainment Portal) kay Aiko sa pictorial para sa Reputasyon noon ding Linggo, sinabi niyang naka-move on na siya sa anumang masakit na pinagdaanan niya.
Dagdag niya, "Siguro this is one thing I admire about the situation, when you're moving on, there's so much blessings.
"I'm so busy with work and, ngayon, napagtutuunan ko na uli na alagaan ang sarili ko.
"Siguro I can say, after nung bagyong dumating sa akin, good riddance and be busy and beautiful.
"Each breakup—be it heartbreak or whatever loss—one thing you learn from it, you become a better person.
"Hindi ako yung tipo ng tao na kahit hindi maganda ang kinahinatnan nito, e, magdu-dwell ako in being negative.
"I want to be positive at yun ang gusto kong pagtuunan."
Patuloy pa ni Aiko, "Sa totoo lang, kung sasabihin kong wala na akong sama ng loob or anything, parang hindi totoo yun.
"Siguro let's put it this way na lang... Ako, pinapasa-Diyos ko na lang ang lahat.
"Ang natutunan ko kapag marami kang baggage sa puso mo at ikaw mismo ang nagdadala nun, makikita sa aura ng tao.
"Ngayon, natutunan ko nang isumbong ang lahat sa Kanya. Nung isinumbong ko ang lahat sa Kanya, naging masaya ako, hindi ako nai-stress, wala akong wrinkles, e, mahal ang pampa-beauty!" biro pa niya.
EX-BOYFRIEND. Iwas na ring pag-usapan ni Aiko ang demandang isinampa sa kanya ng ex-boyfriend niyang si Mayor Patrick Meneses, pero labis ang pasasalamat niya sa suportang ibinigay sa kanya ni Bulacan Vice Governor Daniel Fernando.
"Ayoko actually pag-usapan ang issue na 'yan kasi nasa court na.
