Isang napakagandang regalo ngayong Pasko ang natanggap ng mag-asawang Oyo Sotto at Kristine Hermosa-Sotto: ang kanilang bagong silang na baby girl.
Sa balitang nakalap ng PEP.ph (Philippine Entertainment Portal), isinilang ni Kristine ang isang malusog na baby girl, bandang 11:45 kagabi, December 26.
Isang mensahe ang ipinadala ni Oyo sa PEP para sa ilang detalye ng panganganak ng kanyang asawa; "Ondrea Bliss was born yesterday, December 26 through normal delivery at 11:49 pm, her weight is 2680gm."
Dagdag pa ng aktor, "Tin is okay and still recovering. She was brought to the hospital around 6pm yesterday. Thanks."
Tin ang palayaw ni Kristine.
Sa panayam ng PEP sa kanilang mag-asawa noong Star Magic Ball, September 3, hiling ng dalawa na sana ay baby girl ang isilang ni Kristine. (CLICK HERE for related article)
Sa January 10, 2012, pa dapat ang due date ng panganganak ni Kristine, pero hindi inaasahan na isisilang na niya ito kagabi. (CLICK HERE to read related article)
Magkagano'n man, puno ng kagalakan ang mag-asawa dahil natupad ang wish nila na magkaroon ng isang baby girl.
Matatandaang ikinasal ang dalawa noong January 12, sa Club Balai Isabel, sa Talisay, Batangas.
Nagsimula silang mag-date noong 2006, habang ginagawa ang pangatlong sequel ng Enteng Kabisote.
Noon namang Setyembre 9, 2009, ika-26 na kaarawan ni Kristine, nag-propose si Oyo sa aktres. (CLICK HERE to see article) - https://www.pep.ph/news/27883/kristine-hermosa-and-oyo-sotto-wed-in-batangas