Marami ang nakapansin sa malaking pagbabago ni Manny Pacquiao pagkatapos niyang nakahiligang magbasa ng Bibliya at madalas na pagba-Bible study.

Nakasanayan na ngayon ng mga staff ng Manny Many Prizes na mag-Bible study sila pagkatapos ng taping.

Naisipan na nga ng CBCP (Catholic Bishops Conference of the Philippines) na gawin daw itong Bible Ambassador para makatulong sa pag-promote ng pagbabasa ng Bible.

"Kung gusto nila akong maging Ambassador walang problema," pakli nito.

"Kung pipiliin nila ako, mas maganda nga kung tayo lahat magtutulungan, mga pastor, mga pari, magtutulungan tayo to encourage people na magbasa ng Bible.

"Napaka importante ng Bible basahin. [Hindi dapat] tinatago sa isang sulok, kundi talagang binabasa ang Bible.

"Yan ang susi para sa kaligtasan. Yan ang susi ng pintuan para makapasok ka sa buhay na walang hanggan," saad ng ating Pambansang Kamao.

"Kung gusto mo ng katotohanan, nasa Bible. Kung gusto mong gumaling ka, nasa Bible. Nasa Bible lahat e.

"Ang kailangan lang is, kailangan ang pagbabasa araw-araw.

"Kasi sabi sa Joshua 1:8, "Keep this book of the law always in your lips and meditate on it day and night so that you may be careful to do everything written on it. Then you will be prosperous and successful.'

"So kailangan din sundin yun para malaman ng iba na importante yung marami kang... kumbaga sa ano yung marami kang panangga," dagdag pa niyang pahayag.

Marami nga ang namangha sa malaking pagbabago ni Manny; halos kabisado na raw nito ang nakapaloob sa Bible.

Pero kinorek kami ni Manny, dahil hindi naman daw dapat kinakabisado ang Bibliya kundi dapat isinasapuso.

"Alam mo ang pagbabasa ng Bible is kailangan ilagay sa puso. Ilagay lagi sa isipan, sa puso.

"Sabi nga, 'Keep this book of the law in your lips. Meditate on it, day and night that you may be careful to do everything written on it.'