Napatunayan na ni Sarah Lahbati sa teleseryeng Kokak na kaya niyang magdala ng isang soap opera dahil sa pagiging consistent na mataas ng ratings nito.

Pero ngayong matatapos na ang pinagbibidahang afternoon soap ay tila hindi pa rin makapaniwala ang Kapuso young actress.

"Nakakagulat kasi parang ang bilis ng mga pangyayari!" bulalas niya sa panayam ng PEP.ph (Philippine Entertainment Portal).

"It's really overwhelming and hanggang ngayon, sobrang masasabi kong sobrang blessed ako mula nang mag-start akong mag-taping ng Kokak, from the first taping day hanggang matapos."

Sa Biyernes, March 2, nakatakdang magtapos ang Kokak.

Patuloy pa ng StarStruck V female winner, "Masaya po ako sa lahat ng outcome, sa mga pinapalabas at sa mga comments na nagugustuhan naman po ng mga tao.

"So, masaya po ako."

WORK PRESSURE. Aminado rin si Sarah na kinabahan siya nang gawin siyang bida sa isang teleserye.

Saad niya, "Wow! Ano po, nung una talagang kinabahan ako, pero I kept in mind na nakakatulong sa akin yung pressure.

"Pressure is a good thing para sa akin.

"So, masasabi ko lang na I'm really blessed sa lahat ng taong tumutulong sa akin, nagbibigay ng advice kung paano ba dapat gawin ang mga bagay-bagay."

TJ GOT MARRIED. Hindi ba siya kinabahan nang nag-asawa ang leading man niyang si TJ Trinidad—na baka maapektuhan ang show nila?

"Well, hindi naman po kasi from the start, alam kong napaka-professional niya.

"And I think hindi naman siya naging hadlang para ipagpatuloy ang maayos na pagtatrabaho.

"So, hindi po ako kinabahan o naapektuhan," sabi ni Sarah.