Hindi kasama ni Ogie Alcasid ang asawa niyang si Regine Velasquez at ang anak nilang si Nate sa thanksgiving party ng Sun Life Financial kagabi, May 29, sa World Trade Center, Pasay City.

Endorser ng nasabing insurance company ang mag-anak.

Ayon kay Ogie, sa panayam ng PEP.ph (Philippine Entertainment Portal) sa kanya, “Medyo na-stress lang kami… well, Nate got sick for about two to three days.”

Pero okay na raw ang kanilang anak dahil lagnat-laki lang marahil ang naging sakit ni Nate.

“Well, sabi ko nga, sa 'kin na lang sana nangyari para lumaki ako!" pabiro niyang sabi.

“But he’s fine now,” pahabol ni Ogie.

REGINE VELASQUEZ. Malaki-laki na rin ang panganay nila ni Regine. Kailan balak ng kanyang asawa na bumalik na nang tuluyan sa showbiz?

“You have to ask her about it because I can’t really speak in her behalf.

"I think her priority right now is to be a mom and to lose weight. Then I think she’ll decide after that," sagot ni Ogie.

Anu-ano ang ginagawang pagpapapayat ng kanyang misis?

“She's been on a strict diet. She’s lost already almost 12 pounds.

"So konting… tuluy-tuloy na. Payat na nga niya, e,” pagmamalaki pa ni Ogie sa misis niya.

“She’s on a strict South Beach Diet.

"I think when she reaches the goal na weight niya… I think she might start working out or go back to her yoga to strengthen her body."

IMPEACHMENT TRIAL. Kagabi ay mainit-init pa ang katatapos na paghatol ng Senate court kay Chief Justice Renato Corona.