May special guest role si John "Sweet" Lapus sa musical film na I Do Bidoo Bidoo.

Bagamat maikli lamang ang partisipasyon niya sa pelikula, ipinagmamalaki pa rin ni Sweet ang pagkakasama niya rito.

Aniya, "It’s been an honor to be part of this movie kahit isang eksena lang yung ginawa ko.

“The fact na kasali ako… thank you Lord, kay Direk Chris Martinez, thank you.”

Dugtong ni Sweet, “Nakaka-proud.

"I am extremely proud of this movie—especially to my friend, the writer and director na si Direk Chris Martinez.

“Dahil nakagawa na naman siya ng isang obra maestra na sigurado ako na sa mga darating pang taon… many, many decades to come ay pag-uusapan ang pelikulang ito, sa history book…

“Nasa history books na ng Philippine cinema ang pelikulang I Do Bidoo Bidoo.

"It’s the best musical movie na prinodyus at ginawa dito sa ating bansa.

“Kaya ini-encourage ko ang lahat na Pilipino, panoodin po ninyo dahil ito po ay para sa ating mga Pilipino, para sa buong pamilya—bata, matanda.

“Ang pelikula ay nakaka-inspire, nakakaiyak, nakakaaliw, nakaka-in love.

“So I assure you, after ninyo pong mapanood ang pelikulang ito ay gagaan po ang inyong pakiramdam…

“And magiging proud kayo na you are a Filipino.

“At magiging proud ka na buhay ka pa at napapanood ninyo ‘tong pelikulang ito."

APO HIKING SOCIETY. Patuloy pa ni Sweet, “At magiging proud ka na kababayan mo ang Apo Hiking Society, na gumawa ng napakabongga at napakagagandang kanta na nasa isip at puso ng mga Pilipino.