Noong Marso 14 ay pormal na inanunsyo ng PEP (Philippine Entertainment Portal), sa pangunguna ng editor in chief na si Jo-Ann Maglipon ang The PEP List. Dito ay paparangalan ng PEP ang mga artista, mang-aawit at mga palabas na nagbigay-kulay sa mundo ng showbiz sa loob ng isang taon.

And the excitement begins!

Dahil nakalipas na ang first quarter ng taon, ilalabas na ang kauna-unahang PEP List, na magbibigay-pugay sa mga hot stars, hot projects, at hot topics sa showbiz industry mula January hanggang March.

Matatandaang noong March 14, inilunsad ang proyektong ito ng PEP.ph (Philippine Entertainment Portal) na merong tatlong components:

1) Audited, kung saan ang resulta ay base sa official numbers— page views, unique visits, shares sa networking sites, at comments.

Narito ang 10 categories: Newsmaker of the Year, Celebrity Pair of the Year, Teen Star of the Year, Single Most-Read PEP Article, Most-Watched PEPtalk, Photo of the Year, Most Talked-About Personality, Hot Movie of the Year, Face of the Year, at Razziest Award.

2) Selected by the PEP editorial team, na dadaan sa masusing deliberations base sa itinakdang criteria.

Narito ang 12 categories: TV Show of the Year, TV Star of the Year, Showbiz Treasure of the Year, Child Star of the Year, Breakout Star of the Year, OPM Artist of the Year, FAB Award, Pinoy Pride, Thumbs Up Awardee, Staff Reporter of the Year, Top Three PEP Contributors, at PEP Reporters' Choice.

3) PEPsters' Choice, kung saan ang winners sa 10 categories ay base sa botong makukuha ng mga nominado sa pamamagitan ng microsite (The PEP List microsite) at mobile microsite (m.pep.ph).

Para sa pangatlong component, nakahanda na ang mga PEP List na naglalaman ng pangalan ng mga nominees!

Sino sa tingin mo ang female newsmaker ngayong first quarter?

Si Kris Aquino ba na humingi ng PPO (Permanent Protection Order) sa korte laban kay James Yap nitong March?

O si Maricel Soriano na hindi natuloy ang proyekto kasama si Gerald Anderson, pagkatapos ng outburst niya sa set noong last week ng January?

Paano na ang sentimiyento ni Kim Chiu tungkol sa budding romance ng ex-boyfriend na si Gerald at ex-confidant na si Maja Salvador noong January?


O yung isyu ng mga magulang ni Heart Evangelista laban sa boyfriend nitong si Chiz Escudero noong third week ng March?

Si Sarah Lahbati kaya na nasa Switzerland ang lumikha ng pinakamalaking ingay ngayong first quarter?

Ang mga pangalang makikita sa microsite ay hango sa naitalang numbers— ilan ang nagbasa? nag-share sa networking sites? nag-comment?— sa loob ng 15 days simula noong na-publish ang artikulo.