Naglabas ng official statement si Judy Ann Santos tungkol sa kanyang kalagayan at pagbubuntis, kasunod ng pagkakansela ng nakatakda niyang book signing sa Abreeza Mall, Davao City, ngayong Sabado, September 26.
Nag-post si Judy Ann ng abiso sa Instagram kahapon, September 22, na postponed ang book signing ng kanyang cookbook sa Davao dahilan upang mag-alala ang kanyang followers sa comment section.
A photo posted by Judy Ann Santos-Agoncillo (@officialjuday) onSep 22, 2015 at 12:43am PDT
May isang netizen (@reggann36) ang nag-comment at isinisisi ang nangyari kay Juday sa asawa nitong si Ryan Agoncillo dahil umano nagbiyahe pa sila, kahit na anim na buwang buntis na ngayon ang aktres.
Noong nakaraang linggo ay namasyal ang mag-asawa sa Istanbul, Turkey.
Binatikos naman ang nasabing netizen ng iba pa at sinabing walang gustong mapahamak si Judy Ann, lalo na ang asawa nito.
A photo posted by Judy Ann Santos-Agoncillo (@officialjuday) onSep 22, 2015 at 3:46am PDT
Bumuhos naman ang paalala kay Judy Ann mula sa kanyang followers na magpahinga nito nang mabuti at mag-ingat.