Humingi ng dispensa ang Parokya Ni Edgar lead vocalist na si Chito Miranda sa di kilalang lalaki na nakaengkuwentro nila ng misis niyang si Neri Naig sa isang mall sa Dasmarinas, Cavite, kahapon, November 9.
Sa kanyang series of Twitter posts, inamin ni Chito na siniko niya ang nabanggit na lalaki matapos nitong banggain si Neri.
Nilinaw rin ng singer na hindi siya sadyang “masungit o mayabang,” ngunit nais lamang daw niyang proteksyunan ang kanyang buntis na misis.
Pahayag ni Chito: "Sorry sa siniko ko kanina. Nabangga mo kasi asawa ko. Hindi po ako masungit o mayabang, pero mas inuuna ko talaga asawa ko higit sa lahat."
Sorry sa siniko ko kanina. Nabangga mo kasi asawa ko.?
— Alfonso Miranda Jr (@chitomirandajr) November 8, 2016
Hindi po ako masungit o mayabang, pero mas inuuna ko talaga asawa ko higit sa lahat.
Sa mga nandito sa mall, sorry kung di ako makahinto para magpa-picture. Kelangan ko alalayan maglakad ang asawa ko. I hope you understand. ????
— Alfonso Miranda Jr (@chitomirandajr) November 8, 2016
Sinagot din ni Chito ang isang netizen na nagsabing baka hindi naman daw sinasadyang maipit at mabangga ng di kilalang lalaki si Neri.
Sabi naman ng Parokya Ni Edgar vocalist, "Buntis asawa ko sabay babanggain ng lalake para lang magpa-picture sakin? Buti nga siko lang eh. Buti nga nag-sorry pa ako eh."
@reivinallenx wala ka kasi dun eh. Medyo dinumog kasi kami habang lumalabas sa isang bookstore. Naipit at nabangga asawa ko kaya siniko ko.
— Alfonso Miranda Jr (@chitomirandajr) November 9, 2016
@reivinallenx buntis asawa ko sabay babanggain ng lalake para lang magpa-picture sakin? Buti nga siko lang eh. Buti nga nag-sorry pa ako eh.
— Alfonso Miranda Jr (@chitomirandajr) November 9, 2016
@reivinallenx nope. di sya nag sorry. They were trying to get to me tapos nabangga wife ko tapos parang wala lang. Buti nga di ko sinapak eh
— Alfonso Miranda Jr (@chitomirandajr) November 9, 2016
@reivinallenx ngayon kung ok lang sayo na ganunin ang gf or asawa mo, I will respect that.
— Alfonso Miranda Jr (@chitomirandajr) November 9, 2016
Kanya kanya lang tayo ng paraan.
Peace :)
Samantala, sa Instagram post ni Neri noong November 5, sinabi niyang anumang oras ay handa na siyang isilang ang unang anak nila ni Chito.