Nadagdagan pa ang bilang ng mga artistang nagpakita ng suporta kay Department of Social Welfare and Development (DSWD) Secretary Judy Taguiwalo.
Ito ay kaugnay ng ginawang biro ni Senator Tito Sotto sa kalihim sa Commission of Appointments hearing, sa Senado, kaninang umaga, May 3.
Nagpakita ng suporta sina Bianca Gonzalez, Gretchen Ho, Aiza Seguerra at partner nitong si Liza Diño sa kalihim.
Nauna nang nag-tweet sina Lea Salonga, Janine Gutierrez, at Pokwang hinggil sa isyu.
Si Aiza, na dating kasamahan ni Sotto sa GMA-7 noontime show na Eat Bulaga! ay nag-status sa Facebook upang katigan si Taguiwalo.
Gayundin ang asawa ni Aiza na si Liza.
Nag-tweet naman ang ABS-CBN host na si Bianca Gonzalez upang magbigay-pugay sa DSWD secretary.
Isa sa tweets ni Bianca: “Mabuhay ang mga solo parents, iba ang lakas at katatagan ninyo.”
Mabuhay ang mga solo parents, iba ang lakas at katatagan ninyo. ????????????
— Bianca Gonzalez (@iamsuperbianca) May 3, 2017
Thank you Sec. Judy Taguiwalo for introducing to us the term "solo parent" as opposed to "single parent." Mas tama. Mas swak.
— Bianca Gonzalez (@iamsuperbianca) May 3, 2017
Naging matapang naman si Gretchen Ho sa kanyang tweet.
Tinawag niyang "unnecessary and misogynistic” ang komento ng senador.
What an unnecessary and misogynistic comment. I can't even. ???? https://t.co/iDhICdu8C0
— Gretchen Ho (@gretchenho) May 3, 2017
Nauna nang nag-tweet si Pokwang sa pagkontra niya sa “biro” ng senador, subalit muli siyang nag-tweet.
Matapang na tweet ng comedienne at single mom: “Hindi po ako na-ano lang! naging single mom ako kasi wala pong BAYAG!! ang lalaking minahal ko! pero binuhay ko ng marangal mga anak ko!”
Hindi po ako na-ano lang! naging single mom ako kasi wala pong BAYAG!! ang lalaking minahal ko! pero binuhay ko ng marangal mga anak ko!
— marietta subong (@pokwang27) May 3, 2017
“NA-ANO” JOKE: Samantala, may mga artista namang idinaan sa biro ang isyu, kagaya nina Vice Ganda at Alessandra de Rossi.
Nag-tweet ang dalawa na patukoy sa biro ni Senator Tito na "na-ano lang."
Anung ganap? Bakit parang nagkakaanuhan? Anu na?! May naano ba? Sinong nang aano? Wag kayong ano jan ha!
— jose marie viceral (@vicegandako) May 3, 2017
Hindi ka naman nya inaano? ????
— alessandra de rossi (@msderossi) May 3, 2017