Mukhang hindi pa rin tanggap ni Raquel Pempengco ang pagiging transgender man ng anak niyang si Charice Pempengco, na kilala na ngayon bilang Jake Zyrus.
Sa kanyang Facebook post ngayong Miyerkules, January 17, binati ni Raquel ang “kaisa-isang lalaki” sa kanilang angkan na nagdiriwang ng kaarawan—ang bunso niyang anak na si Carl Pempengco.
Mensahe niya: “Happy Birthday Son Carl Ceiven Relucio Pempengco...ang kaisa isang lalaki sa Pempengco Clan…”
Tinanong ng PEP.ph (Philippine Entertainment Portal) si Raquel kung hindi ba niya maituturing na lalaki si Jake.
Ngunit tanong lang din ang sinagot niya sa amin.
Hunyo ng taong 2017, inanunsiyo ni Charice na magbabago na siya ng pangalan na ikinagulat ng kanyang mga tagahanga at pamilya.
PEP Live