Humingi ng sorry ang aktor na si Archie Alemania matapos siyang batikusin nang i-post niya sa Instagram ang "selfie" kasama si presidential candidate former DILG Secretary Mar Roxas.
Inilagay ni Archie sa caption na "die-hard supporter" si Roxas ni presidential candidate Davao City Mayor Rodrigo Duterte.
Ipinost ni Archie ang nasabing larawan nitong Linggo, April 24.
Inilagay rin sa caption ng aktor na nangungulit lang siya subalit maraming netizens ang hindi natuwa.
May mga tumawag sa kanyang "walang respeto," "bastos," at "insensitive."
Kasunod nito, humingi ng paumanhin si Archie sa ginawa niyang biro dahil marami ang hindi nagustuhan ang kanyang ginawa.
Paliwanag ni Archie via Twitter: “I’m just makulit at my captions, di ko intensyon mambastos ng kapwa.”
Dami nagbash sakin sa post ko. Im just makulit at my captions, di ko intensyon mambastos ng kapwa.
— archie alemania (@archiealemania) April 25, 2016
Sorry sa mga na offend ko.
— archie alemania (@archiealemania) April 25, 2016
Sa kanyang social media accounts, kitang-kita ang mga sinusuportahang kandidato ni Archie ngayong 2016 elections—si Duterte sa pagka-presidente at si Leni Robredo bilang vice president.
My President Duterte pic.twitter.com/4MEuA4k3Oi
— archie alemania (@archiealemania) April 25, 2016
VP Leni Robredo pic.twitter.com/edtTTAyIb7
— archie alemania (@archiealemania) April 25, 2016
Bukod sa kanyang Twitter, ipinost pa ni Archie ang isang “reminder” ngayong election, na nagpapaalala sa mga taong huwag hayaang masira ang pagkakaibigan dahil sa nalalapit na eleksyon.