Isang babaeng bumisita sa contemporary Art Wynwood fair last February 17, 2023 sa Miami, Florida ang na-curious at hinipo ang sculpture ng world-renowned artist na si Jeff Koons.
Sa kasamaang palad, nahulog sa pagkaka-display ang art piece, at nagkapira-piraso.
Ang nasabing art piece ay isang maliit na sculpture na kulay blue at tinawag na “Balloon Dog.”
Kilala si Jeff Koons sa kanyang sculptures na parang foil balloons at sa pop culture references and depictions ng mga bagay na araw-araw nating nakikita.
Kabilang dito ang giant bowl of eggs na tampok sa 2022 Miami Art Basel.
Hindi biro ang presyo ng kanyang mga obra.
Read also: Nakabibilib na sculptures ng isang artist sa Davao Oriental gawa mula sa patapong niyog at driftwood
Ang malaking orange version ng kanyang Balloon Dog ay nabenta sa halagang US$58.4 million (PHP3.2 billion) noong 2013.
Ang kanyang sculpture na “Rabbit” na mukhang balloon bunny na may hawak na carrot, ay isa sa “most expensive artworks sold by a living artist.”
Nabenta ito sa halagang US$91.1 million (PHP5 billion).
Kahit ganito ang hitsura ng kanyang mga likhang sining, hindi sila yari sa foil kundi sa iba’t ibang materials.
Ang nadurog na Balloon Dog ay yari sa porcelain.
Tinatayang ang halaga nito ay nasa US$42,000, o PHP2,317,329 batay sa kasalukuyang exchange rates.
Nasaksihan ng art collector na si Stephen Gamson ang buong pangyayari.
Nag-post siya sa kanyang Instagram account ng kanyang lumang larawan kasama si Jeff Koons (nasa kaliwa), at maging ng photo ng sculpture, at dalawang video na nagpapakita ng pira-pirasong art piece sa sahig.
Read also: Giant golden eagle sa Sinulog Festival 2023, “product of love” ng construction workers
Ang bahagi ng kanyang caption, published as is, “I was at the VIP art opening of Art Wynwood as I was looking the art, I pointed to a Jeff Koons balloon dog sculpture.
“This woman knocked it over. I actually witnessed the whole thing.
“It shattered into a thousand pieces. One of the most crazy things I've ever seen.”
Ang lakas din ng naging sigaw ng mga bisita kasunod ng pagkabasag ng sculpture.
Read also: Painter Elito Circa, sariling dugo ang gamit sa mga obra
Iniulat naman ng Miami Herald na ayon kay Bénédicte Caluch, art advisor ng Bel-Air Fine Art, naka-insure ang Balloon Dog.
Ang babaeng aksidenteng nakabasag dito ay hindi kailangang magbayad. Isa rin itong art collector, at hindi naman sinadya ang nangyari.
Akala raw kasi ng babae ay hindi solid ang sculpture dahil nga parang lobo, kaya medyo napalakas ang pagkakahipo.
Wala ring “if you break it, you buy it” policy sa booth.
Kahit nabasag na ang sculpture ni Koons ay may presyo pa rin ito.
Nag-offer din si Stephen na bilhin ang nabasag na sculpture, bagaman at hindi naiulat kung naganap ang bilihan.
Ani Stephen, “I find value in it even when it’s broken.
“To me, it’s the story. It makes the art even more interesting.”