Pinalakpakan ang La Pieta monologue ni Abby Viduya sa rehearsal ng street senakulong Kalbaryo ni Kristo nitong Marso 28, 2023, Martes, sa Brgy. Tambo, Parañaque City.
Lumagaslas ang masaganang luha ni Abby bilang Birheng Maria na nagdadalamhati sa pagpanaw ng anak na si Hesus (ginagampanan ni John Phillip Calderon).
First time ni Abby na lumahok sa isang senakulo. Paano siya napasali rito?
Lahad ni Abby, “Kasi si Jom [Jomari Yllana] dati, noong 2016, ginawa niya ito as Pontius Pilate. Tapos ikinuwento niya sa akin.
“And then, nung campaign last year, I met them. Sabi nila, ‘O, finally magagawa na uli yung Kalbaryo.’
“Sabi ko, ‘Sige, sali ako! Sali ako!’ Sabi nila, ‘Virgin Mary ka.’ ‘Sige! Sige!’ Not knowing na ang hirap palang gawin nito.
“It’s one of the hardest acting that I’ve ever had to do. Kasi siyempre, you’re gonna be playing Virgin Mary, you have to be your best, di ba? Ang eksena ko, puro ako umiiyak.”
WHY NOT MARY MAGDALENE?
Nakilala noon si Abby bilang sexy star ng Seiko Films na si Priscilla Almeda. Kaya marami ang nagtatanong kung bakit Virgin Mary ang inialok na papel sa kanya at hindi Mary Magdalene.
Napatango si Abby, “Of course, of course, oo, of course. Well ahhmm… sila ang nag-suggest, e, Virgin Mary. So OK, I’ll try it.
“Ako yung unang inisip ko na to do this Kalbaryo, is to do Mary Magdalene.
“But this one, when I started reading the script nung February… pagbasa pa lang ng script, umiiyak na ako.”
May bayad ba ang pagganap niya bilang Virgin Mary?
Mabilis na tugon ni Abby, “Ay, no! This is for ano, for the love of doing it.”
Nakapag-teatro na before si Abby. Gumanap siya bilang isa sa vaudeville girls ng Larawan musical, starring Celeste Legaspi and Zsa Zsa Padilla. Itinanghal iyon sa Cultural Center of the Philippines, with National Artist Ryan Cayabyab as musical director.
Siyempre, ibang-iba iyon sa senakulo, kung saan Virgin Mary pa ang inaatang sa kanya upang gampanan.
“Oh! This is totally different, tapos ang Tagalog, napakalalim! And it’s so hard!” sambit ni Abby.
“It was a challenge for me to do the Tagalog. Actually, when I was reading the script, I had to look at Google to check what it means in order for me to be able to feel my lines, right?
“Minsan, tatanungin ko si Jom, ‘Baby, what does this mean? Anong ibig sabihin niyan, ganyan-ganyan?’
“Ayun, naiintindihan ko naman siya. So I was able to deliver the dialogue.”
John Phillip Calderon (bilang Hesus), Abby Viduya (bilang Birheng Maria), at Darryl Dimaano (direktor ng street senakulo na Kalbaryo ni Kristo)
Ano ang pakiramdam niya sa pagre-rehearse, lalo pa’t nalalapit na ang pagtatanghal nila sa Abril 7, Biyernes Santo, 9:00 a.m.-3:00 p.m. sa mga lansangan ng Saint Joseph Parish, Brgy. Tambo, Parañaque City?
“Of course, hindi mawawala yung kaba. And yung kaba ko na I wanna do my best for this one,” saad ni Abby.
Kumusta ang pakikipagtrabaho ni Abby sa co-performers niya sa senakulo? Paano siya tinatrato ng mga ito?
“Ay, naku! Everyone’s so nice here. Magagaling silang lahat! And then they’ve been doing this… si Direk Darryl [Dimaano] has been doing this for 33 years,” pahayag ni Abby.
“Everybody here is professional and they’re also good.”
Problema ba ang init pag nagre-rehearse sila?
“Hindi naman.”
Nakapag-blocking na ba sila sa mga kalye?
“Ako, hindi pa. Pero I think sila, nagawa na nila ito in the past, sanay na sila,” tugon ni Abby.
“Pero as Virgin Mary, papasok lang ako sa mga scenes. Pero after ng scene ko, lalakarin ko na lang siya.”
Magiging panata na kaya niya ito? O iba-iba ang Virgin Mary sa bawat taon?
“Ahhmm it all depends kung ano ang gusto ni Direk. Pero sabi ko, ‘Direk, gawin ko rin ito next year, ha?’”
CIVIL WEDDING AND CHURCH WEDDING
May sabi-sabi na nag-civil wedding na sina Abby at Jomari. Nagtatawagan na kasi sila na "asawa."
Kailan ba iyong church wedding nila sa Our Lady of Peñafrancia Shrine sa Naga City kung saan ikinasal ang parents ni Jomari?
“Jom and I have been together for ano na… nag-third anniversary na kami last year,” pagtatapat ni Abby.
“Namanhikan na siya nung Feb 26. And our plans for our civil wedding is in June sa States. Yung church wedding sa Peñafrancia, next year pa.”
Read: Jomari Yllana asks for Abby Viduya's hand in marriage through pamamanhikan
Iyong civil wedding nila sa Hunyo sa Amerika ay hindi kailangang paghandaan nang bonggang-bongga, kaya hindi sagabal doon ang paglahok niya sa Kalbaryo ni Kristo.
“And I’m so lucky that I have a lot of friends helping me for the preparation of the wedding in June.”
Iyong church wedding nila sa 2024 ay kapareho ba ng petsa ng civil wedding nila sa US?
“Not exactly. Hindi pa kami sure sa date in Naga.”
At least, mahaba pa ang panahon para paghandaan ang church wedding nila.
“Yes! I wanna look good, so kailangan kong magpapayat for my wedding! Ha! Ha! Ha!” pagtawa ni Abby.