Balikan ang mundo ng Engkantasya at mga tagalupa sa "Enteng Kabisote 4"

by Mercy Lejarde
Dec 23, 2007
Vic Sotto talks about the fourth installment of Enteng Kabisote, wherein he plays the title role. Enteng Kabisote 4: Okay Ka Fairy Ko (The Beginning of a Legend) opens on December 25.


Sa nakaraang tatlong Disyembre ay maraming Pilipino ang nakapanood at naaliw sa pelikulang tungkol sa mahiwagang mundo ng mga tagalupa at ang mundo ng Engkantasya. Idinerehe ni Tony Reyes ang ika-apat na installment ng pelikulang Enteng Kabisote na magkukuwento ng buhay ni Faye (Kristine Hermosa) bago pa siya umibig sa mortal na si Enteng (Vic Sotto).

Matatandaan na ang Enteng Kabisote: Okay Ka Fairy Ko The Legend (2004), Enteng Kabisote 2: The Legend Goes On (2005) at Enteng Kabisote 3: The Legend Goes On & On & On (2006) ay pawang naging top grosser sa bantog na Metro Manila Film Festival. At ngayon nga'y muling ibinabalik ng OctoArts Films at M-Zet Productions ang pelikulang minamahal ng mga Pinoy tuwing Kapaskuhan sa ika-apat nitong bahagi: ang Enteng Kabisote 4: Okay Ka Fairy Ko (The Beginning of a Legend).

Marami ang humuhulang magiging top grosser na naman ito kagaya ng tatlong nauna.

Continue reading below ↓

Ani ni Vic Sotto, ang bida ng pelikula, "Salamat naman kung ganoon ang pakiramdam nila. Kami naman na bumubuo ng proyekto ay masaya nang tinatangkilik ng marami ang aming pinagpaguran. Para sa kanila talaga ito. Pinaganda namin para sa kanilang kasiyahan."

Sinasabing ito na nga ang pinakabonggang Enteng Kabisote pagdating sa istorya, casting, special effects, budget at pangkalahatang production value.

"Totoo 'yon! Kung mapapansin ninyo, taon-taon ay sinisigurado naming mas maganda ang sequel, na meron pa ring bagong makikita ang mga tapat naming manonood," paniniguro ni "Bossing" Vic.

"Mas ginagawa naming exciting ang twists ng story. Gaya ngayon, babalikan namin ang nakaraan ni Faye sa Engkantasya bago siya naging asawa ni Eneteng. Maraming mari-reveal na sikreto tungkol sa kanyang nakaraan.

"Special effects-wise, high-tech ang mapapanood ng mga tao ay tiyak na maiibigan ng mga bata. Mas hihigitan nito ang special effects ng tatlong nauna lalo na ang fight scenes. Marami ring nadagdag na mga artista rito maliban sa amin nina Kristine Hermosa, Oyo Sotto, Aiza Seguerra, G Tongi, Ruby Rodriguez, at Jose Manalo.

Continue reading below ↓

"Nariyan rin sina Ian Veneracion [Taong Paniki], Francine Prieto [Babaeng Dragon], Carlos Agassi [Narding Yakitiyak] at Tita Swarding Aswang bilang pangunahing makakalaban ni Enteng. May mahalagang papel din sina Ian de Leon, Arthur Solinap, Elisa Pineda, Mikylla Ramirez, Jomari Yllana, Peque Gallaga at, siyempre, si Joey de Leon sa isang special guest appearance bilang Karimarimarimar," kuwento pa ng TV host-comedian.

Star-studded ang pelikula at mayroong mga elemento ng drama, action, fantasy at comedy. Magbubukas ang Enteng Kabisote 4: Okay Ka Fairy Ko (The Beginning of a Legend) sa mga sinehan simula sa araw ng Pasko, Disyembre 25.

Read Next
Featured
Latest Stories
Trending in Summit Media Network

Featured Searches:

Read the Story →
Vic Sotto talks about the fourth installment of Enteng Kabisote, wherein he plays the title role. Enteng Kabisote 4: Okay Ka Fairy Ko (The Beginning of a Legend) opens on December 25.
  • This article was created by . Edits have been made by the PEP.ph editors.
    Poll

    View Results
    Total Votes: 12,184
  • 50%
  • View Results