Hindi naitago ng Kapuso singer-actress na si Rita Daniela ang kanyang saya at pasasalamat sa katatapos lamang na Nominees Night ng 70th FAMAS (Filipino Academy of Movie Arts and Sciences) Awards noong July 23, 2022.
Ang FAMAS ay ang oldest award-giving body sa Pilipinas kung saan ginagawaran ng parangal ang mga pinakamahusay na personalidad at likha sa ilalim ng pelikulang Pilipino.
Noong July 21, inilabas ng FAMAS ang listahan ng mga nominado para sa taong ito.
Nakasungkit si Rita ang dalawang nominasyo: Best Actress para sa pelikulang Huling Ulan Sa Tag-Araw at Best Original Song para sa "Umulan O Umaraw" na theme song ng nasabing pelikula.
Si Rita ang kumanta ng "Umulan O Umaraw" na isinulat ni Louie ignacio, na siya ring direktor ng Huling Ulan Sa Tag-araw.
Noong Lunes, July 25, ibinahagi ng soon-to-be mom sa Instagram ang ilang mga kuha niyang larawan na tumatanggap ng plake kalakip ang email ng FAMAS na iniimbitahan siyang tanggapin ang nasabing pagkilala.
Caption niya (published as is), "An answered prayer and a dream come true.
"Thanks to our producers @joeyabacan @gmafilms @harlenebau @hbeproduction @dennisevangelista888 and @direklouieignacio for the trust."
Dagdag pa ni Rita, "Salamat po, FAMAS!"
Ilang malalapit na kaibigan ng singer-actress ang nag-comment sa nasabing post upang magbigay ng pagbati. Kabilang sa kanila sina Barbie Forteza, Rodjun Cruz, Kylie Padilla, Almira Muhlach, at Sofia Pablo.
Kasama ni Rita sa listahan ng mga nominadong Best Actress sa FAMAS 2022 ang ilang batikan at kilalang artista at personalidad.
Anim ang nominadong BEST ACTRESS — Maja Salvador (Arisaka), Charo Santos-Concio (Kun Maupay Man It Panahon), Nicole Laurel Asensio (Katips), Janine Gutierrez (Dito at Doon), Sharon Cuneta (Revirginited), at Rita Daniela (Huling Ulan sa Tag-Araw).
Lima ang nominadong BEST ORIGINAL SONG — "Manhid" (Katips), "Umulan Man o Umaraw" (Huling Ulan sa Tag Araw), "Sa Gitna ng Gulo" (Katips), "Nakikinig Ka Ba Sa Akin?" (Dito at Doon), at "Sa Susunod Na Ikot ng Mundo" (Nelia).
Anim ang nominadong BEST ACTOR — Dingdong Dantes (A Hard Day), Christian Bables (Big Night), Vince Tañada (Katips), Jerome Ponce (Katips), Daniel Padilla (Kun Maupay Man It Panahon), Mon Confiado (Arisaka).
Lima ang nominadong BEST SUPPORTING ACTOR — John Arcilla (A Hard Day), Mon Confiado (Katips), Johnrey Rivas (Katips), Nico Antonio (Big Night), John Arcilla (Big Night).
Anim ang nominadong BEST SUPPORTING ACTRESS — Eugene Domingo (Big Night), Janice De Belen (Big Night), Adelle Ibarrientos (Katips), Rans Rifol (Kun Maupay Man It Panahon), Luz Valdez (My Amanda), at Shella Mae Romualdo (Arisaka).
Gaganapin ang 70th FAMAS Awards sa July 30, 2022 sa newly revived Metropolitan Theater, Manila.