Tatlo o apat na beses inialok kay Heaven Peralejo, 22, ang pelikulang Nanahimik Ang Gabi bago niya ito tinanggap.
Ang papel dito ng 22-anyos na aktres ay si Me-ann, ang sugar baby ng tiwali at abusadong pulis na si Chief na ginampanan ni Ian Veneracion, 47.
Read: Lino Cayetano, tiniyak na may "sex and violence" ang pelikula nina Ian Veneracion at Heaven Peralejo
“Parang… ang ganda nung script!” bulalas ni Heaven sa set ng horror thriller nitong Hulyo 26, Martes ng gabi, sa isang mansion sa Tagaytay City.
“And like sabi ko, gusto ko talaga. Pero may mga scenes lang na parang hindi pa siguro ako ready.
“Parang… hindi pa papunta dun, ganun. Parang… konting-konti pa lang, tease-tease, mga ganyan.”
Paano siya nakumbinsing tanggapin ang project?
“Hmmn, paano ako na-convince? Ahh, sobrang understanding kasi ng team, sina Direk [Shugo Praico],” mabining pagbuntung-hininga ni Heaven.
“And parang… nagkaroon kami ng… anong tawag dun? Nag-compromise kami, yes, nag-compromise kami.
“And nakakatuwa, kasi sa kanila, parang ano siya, collaborative. So, hindi lang direktor ang masusunod.
“Parang… dahil binibigyan nga namin ng buhay itong Nanahimik Ang Gabi, kami as artists, ibinibigay rin namin ang mga suggestions namin.”
HEAVEN'S "SUGAR DADDY"
Natawa si Heaven nang kumustahin namin sa kanya si Ian bilang sugar daddy.
Read: Ian Veneracion plays sugar daddy to Heaven Peralejo in Nanahimik ang Gabi
“Perspective ba ni Me-ann o ni Heaven?” natatawang pasakalye ng young actress.
“Sa perspective ni Me-ann… ahhm, wait! Unahin muna natin si Heaven. Sa perspective ni Heaven, mahirap siya actually.
“Kasi, isipin mo yun, independent woman ako, e. Parang ako yung padre de familia sa aming pamilya. Ako ang provider kumbaga.
“And being an independent woman, parang it’s kinda hard to love someone who is an opposite of me.
“Like, humihingi ako sa kanya ng pera, you know, loving a corrupt and abusive cop na alam ko rin naman, at the end, may return din naman sa akin. So why not, di ba?
“Pero as… ayun, as Me-ann, siyempre masaya! Hi! Hi! Hi! Hi!” pagbungisngis ni Heaven.
“Masaya, di ba?! Kasi, ito ang Chief mo, e!” pagmumuwestra ni Heaven kay Ian na katabi niya nang mga sandaling iyon.
WILL HEAVEN FALL FOR SOMEONE LIKE IAN?
Tinagurian si Ian bilang kilabotito… bagong kilabot ng mga kolehiyala. Hindi ba natakot si Heaven na baka ma-in love siya kay Ian sa totoong buhay?
“Hindi naman. Kasi, kailangan ko talagang ma-in love, e,” mabilis na tugon ni Heaven.
“Totoo yun, we have to fall in love with each other. And… hindi naman mahirap! Pero mahirap lang siyang mahalin as Chief.
“Pag nakikita ko na yung pagiging Chief niya, lumalabas na yung dynamics namin.
“Parang… pero kailangan ko ‘to, e! Ganun talaga ang hard work. Kasi, gusto naming bigyan ng justice itong script na ‘to.
“Reading the script, mapapa-realize ka, ano nga ba yung tama at mali? Parang… mali pa ba yun?
“O kasi dahil naiintindihan mo naman yung karakter mo? Ano bang tama? So, parang it’s for viewers to decide also.”
PREPARATIONS AS SUGAR BABY
Anu-ano ang paghahanda ni Heaven para gumanap na sugar baby?
“Hmmn, sinubukan kong ilapit yung some of the personalities ni Me-ann kay Heaven,” pagngiti ng young actress.
“Ahhm, pero at the same time… kasi yung script namin, maganda, e! Maiintindihan mo agad yung kung ano ang personalities nila, kung paano magsalita.
“Parang mabi-visualize mo kumbaga, ano? So, sa aming dalawa ni Ian, hindi kami nag-isolate.
“Kasi, parang ano lang siya, e, parang fun-fun muna, di ba? Parang dapat… yung dynamics namin, andun na.
“Dahil nagkaroon kami ng mga meetings with the director, with the cast, kami, parang alam na namin.
“Napag-usapan na rin namin kung, ‘Paano kaya tayo?’ Like, paano yung difference ni Chief saka ni sugar baby? Parang ganun, di ba?”
Meron ba siyang kaibigan o kakilala in real life na sugar baby?
“Actually, kaya nga ako nahirapan sa character na ‘to, kasi, wala akong paghuhugutan!” sambit ni Heaven.
“Wala akong paggagayahan, kumbaga. So, talagang crineate ko itong si Me-ann with the help of my director also.
“Kung paano namin bubuhayin itong character na ‘to, at bigyan ng justice itong Nanahimik Ang Gabi.”