Sa pagsapit ng ika-40 kaarawan ni Meryll Soriano ngayong Disyembre 9, 2022, Biyernes, matutupad na ang pangarap niyang makapagdirek ng pelikula.
“More than ten years ago, I really am passionate about this story, about postpartum depression,” pagtatapat ng premyadong aktres nitong Disyembre 8, Huwebes, sa Studio 28 Lounge, Uptown Parade, BGC, Taguig City.
“And I really wanted to make a film about it. Kaya lang, I think, nobody really took me seriously back then.
“Kasi siyempre, ang laging chikahan lang nila, ‘Ay! Gusto kong gumawa ng pelikula, gusto kong magdirek.’
“And you know, lumaki na ako sa industriyang ito. Laman ako ng set… so I think people would always consider it as, you know, just one of those chikahan.
“And I think I’ve questioned myself also if I really can. Ahhm but this year, I finally found a writer perfect for the film, and the producers.
“Talagang sabi ko, ‘I think it’s really time.’ Sabi ko talaga, by 40, I have to make kahit isang pelikula.
“Just to try it out kung para sa akin ba, kung hindi para sa akin, di ba? It’s something new that I’ve been wanting to do but you know hindi pa siguro talaga panahon.
“But now I’ve also decided na it’s time. So we’re doing research. Nakapag-start na ring magsulat nang konti.”
DREAM ACTORS TO DIRECT
Maliban kay Maja Salvador, nais ni Meryll na maidirek ang tita niyang si Maricel Soriano.
“The Diamond Star! Because why not, you know. I mean, I have shared scenes with her sa comedy, sa TV. Minsan lang sa pelikula,” nakangiting pagsisiwalat ni Meryll.
“Siyempre pangarap ko muna siyang makasama bilang artista. Sabi ko nga nung nag-ano ako sa YouTube niya, sabi ko, ‘Pangarap ko na makasama ka muna ulit!’ Pero pangarap ko din siyempreng madirek siya.
“And si… Ate Vi. Pangarap ko ding madirek si Ate Vi [Vilma Santos] at makasama.”
Ano kaya ang magiging dynamics nila ni Maricel kapag idinirek niya ito?
Natigilan sandali si Meryll, “Ahhm, si Tita kasi is a very generous person. And I think ahh, sanay siya sa kultura ng pagsunod sa mga direktor. Yan ang generation na kinalakihan ko din.
“Nakita ko kung papaano magtrabaho noon, and nakita ko rin kung papaano yung ngayon. And collaborative naman si tita.
“And I know that she will give me the floor because she trusts me and she loves me. So I think there’s always that ano — kapag matakot man ako, siya rin yung magba-back sa akin na, ‘Kaya mo yan!’
“So, may certain comfort but of course nakakatakot din because hello! Si Maricel Soriano yan, di ba?
“But knowing her, because I know her from you know not just as an actor, because she’s my tita I know na she will be the one who’s going to be my first cheerleader if ever.”
ON DIRECTING JOEM BASCON, WILLIE REVILLAME
What if ang love niyang si Joem Bascon ang ididirek niya?
“Gusto niya nga, e!” mabilis na tugon ni Meryll.
Nasa mediacon si Joem at tila nagpahiwatig ito ng pagkontra kaya mabilis na kambyo ni Meryll, “OK, ayaw pala niya! Ahhm, I don’t know kung sino ang mai-intimidate sa aming dalawa.
“I think parehas kaming magkakaroon ng moments of that.”
Pareho silang award-winning. Magka-clash kaya sila?!
“Ay! Hindi naman po siguro! I hope not you know kasi we’re both artists. I hope not.
“I think, at the end of the day, mase-separate naman namin yung work and kung ano yung nasa bahay,” sabi ni Meryll.
What about ang papa niyang si Willie Revillame? Naiisip ba niyang darating ang panahon na ididirek din niya ito?
Napakunot-noo si Meryll at natawa, “Naku, hindi! Ha! Ha! Ha! Wala po akong plano. Ha! Ha! Ha! Ha!
“Kasi po ididirek ako ng daddy kahit ididirek ko siya. Ha! Ha! Ha! Ha! Ha! Ha!”
Consultant si Willie sa ALLTV, ang bagong Channel 2. Any moment, baka irekomenda siya ni Willie na magdirek muna ng drama anthology sa TV.
Read: Meryll Soriano on joining dad Willie Revillame in ALLTV: "All in good time."
“Siyempre open ako diyan kasi opportunity iyan. And of course, syempre papa ko din yan you know,” saad ni Meryll.
“And kung meron man siyang gustong i-share na blessing sa akin, why not? Of course I’ll be open to you know have a meeting, kung ano yung gusto niyang concept, mag-brainstorm.
“Of course open ako, learning naman yun and I’ll be honored. Pero hindi ko po siya kakausapin para mag-ask.
“Kung sakali mang meron siyang opportunity for me, bakit naman po hindi? Pero yung ako po yung hihingi right now? Hindi po.
“Kasi po yung film po ang focus ko, so ayoko din naman pong ma-derail yung plano ko,” paglilinaw ni Meryll.
MENTORS
Bilang paghahanda sa pagiging direktor, sumailalim si Meryll sa scriptwriting workshop ni Ricky Lee.
“Nag-attend po ako ng workshop ni Sir Ricky because I think first step also is you know how to write a story,” salaysay ni Meryll.
“And to understand the writer. Kasi po wala po akong balak magsulat. Parang hindi po siya para sa akin.
“Pero to be able to have a good relationship with the writer and also to be able to tell a story from the point of view of the writer is very important for me.
“And andami kong mentor. Andami kong mga direktor na gustong tumulong sa akin. Yung mga naging direktor ko sa independent films.
“Sila po yung talagang umaakap sa akin at naniniwala sa akin at tinutulungan ako. At tutulungan ako.”
Kailangan pa ba niyang mag-crash course ng filmmaking?
“Puwede naman po. Any kind of learning is important. So, kung meron pong crash course, bakit po hindi?”
Familiar ba siya sa mga pelikulang idinirek nina Rory Quintos, Olivia Lamasan, Lupita Kashiwahara, Laurice Guillen, at Marilou Diaz-Abaya?
Tumango si Meryll, “Yes po, yes po, of course. And ang hirap din naman po kasi siyempre may sarili din po akong boses.
“But of course, hindi ko pa alam yun. So, yung mga iniidolo ko ay for inspiration. But I don’t want to box myself also kung anong klaseng direktor yung magiging patutunguhan ko.
“Kasi hindi pa po ako nakakasubok. Until I try it, and until I say na, ‘Wow! This is really for me!’ and then maybe you know…
“But right now po, it’s a dream, it’s an opportunity to tell a story that I’ve been wanting to tell, and then yun po.
“It’s something for myself. It’s not something for anybody else. So kung makita ko po yung sarili ko na, ‘Ahh, meron nga akong future dito.’
“Or hindi ko pala siya kaya, you know it’s something that I really want to try.”
MERYLL SORIANO, THE ACTRESS
Kasama si Meryll sa Kapamilya teleseryeng The Iron Heart na pinagbibidahan ni Richard Gutierrez.
“Ito po yung first kong teleserye after ko manganak, so excited ako and, of course, willing akong mag-teleserye pa!” bulalas ni Meryll, na nasa ilalim na ng Crown Artist Management.
“I made one short film for international release, and then, with a follow-up of a full length.
“So yun po, may dalawang pelikulang naka-schedule and then yung pelikulang ididirek ko.”
Gusto ba niya na siya na rin ang bidang artista sa kanyang directorial debut?
“Actually, yun po talaga siya. So it’s something na matagal pinagdebatehan pero ang gusto talaga ng mga taong naniniwala sa akin ay ako talaga ang gumanap dun,” pahayag ni Meryll.
“Because nung time na naisip ko siya, yun po yung vision ko. But of course… siyempre through the years, matatakot ka. ‘Parang hindi ko yata kaya?! Hindi ko pa nga nagagawang magdirek, aarte na ako?!’
“So, parang ganun, but it’s a risk I’m willing to take because hindi naman po siya yung parang… ‘Magpapasikat ako! Magiging magaling akong direktor!’
“It’s really something for myself that I want to do. And kung mag-fail po siya, successful pa din siya because I’ve done it.”