Nag-trip down memory lane ang StarStruck alumni na sina Yasmien Kurdi at Nadine Samonte nang um-attend sila sa concert ng paborito nilang Irish boyband na Westlife.
Dumating sa bansa ang Westlife nitong nakaraang weekend para sa kanilang two-night sold-out show na The Wild Dreams Tour sa Araneta Coliseum last February 19 at 20, 2023.
Read: Westlife returns to Manila for The Wild Dreams Tour
Bukod sa pagdalo sa concert, hindi rin pinalampas nina Yasmien at Nadine na i-share sa kani-kanilang Instagram account ang snippets na kuha nila sa concert.
Naka-tag dito ang mga miyembro ng banda na sina Shane Filan, Nicky Byrne, Mark Feehily, at Kian Egan.
Hindi naman makapaniwala ang dalawang aktres na i-follow back sila ng isa sa mga miyembro ng Westlife na si Mark.
Mensahe ni Yasmien sa kanyang followers: “OMG! Markus ‘Mark’ Michael Patrick Feehily reposted my story and followed me back! Hala totoo ba? nanaginip yata ako?
“You made my day! Hello Nicky! (naka seen siya sa stories ko) #Westlife #Westlifer #kilig”
View this post on Instagram
Hindi rin nagpadaig si Nadine. Ibinahagi rin niya ang screenshot na naka-follow na nga sa kanya ang Westlife member.
Sabi niya, “OH EMMM GEEEE (crying emojis) i love you @markusmoments you followed me (crying emoji) my heart my heart, you are my favorite ever since, am i dreaming???
“Grabe ahhhhhhhhh (im screaming inside) Sorry love @rboy_chua and thank you for understanding haha (mas mahal pa din kita) (laughing emoji) #Westlifeforlife #WestlifeForever #Westlife #fangirling”
View this post on Instagram
Noong July 29 at 30, 2019, nagdaos din ng two-night show ang banda sa Araneta Coliseum bilang bahagi ng kanilang 20th anniversary celebration.
Ilan sa mga sikat na kanta ng Westlife ay ang “Uptown Girl,” “My Love,” "Flying Without Wings," "Swear It Again," “When You’re Looking Like That,” at "World of Our Own."