Unang pasabog ng Cignal Play ang seryeng My Delivery Gurl nitong Enero 1, Sabado.
Bida rito si Markki Stroem bilang drag queen na si Bianca D na kulang sa ningning, kaya nag-relocate sa Baguio City kung saan nasumpungan niya ang dalawang pogi na humamon sa kanyang marupok na puso.
Leading men dito ni Markki sina Rocky Salumbides at Victor Basa.
MANO PO LEGACY
Buena mano ng GMA primetime ang Chinoyseryeng Mano Po Legacy: The Family Fortune na nag-umpisa noong Enero 3, Lunes ng 9:35 p.m., pagkatapos ng The World Between Us.
Ipina-feng shui ba ng GMA executives ang pag-uumpisa ng trending Chinoyserye ng Kapuso Primetime Princess na si Barbie Forteza? Sinadya bang may “family” sa title ng Chinoyserye upang mahatak ang mga Kapamilya? Hindi kaya mas mabuting Enero 31 ito nag-pilot, sa bisperas ng Chinese New Year?
Ngayong Enero 6, Huwebes, ay 17,220 ang karagdagang bagong kaso ng COVID-19 sa bansa. Pinangangambahan na tataas at tataas pa ang bilang ng mga madadagdag na bagong kaso sa mga susunod na araw.
Sa ganyang scenario, maaaliw ba ang televiewers na subaybayan ang istorya ng mga Chinoy?
VIVAMAX OFFERINGS
Siklo ang opening salvo ng Vivamax sa Enero 7, Biyernes. Sexy thriller ito kung saan bida sina Vince Rillon, Christine Bermas, at Ayanna Misola, sa direksyon ni Roman Perez Jr.
Patuloy na mamamayagpag ngayong taon ang Vivamax sa paghahandog ng mga bagong palabas.
Kasado na ang streaming ng Hugas (Enero 14) nina AJ Raval at Sean de Guzman; Reroute (Enero 21) nina John Arcilla, Cindy Miranda, Sid Lucero, at Nathalie Hart; Lulu (Enero 21) nina Rhen Escaño at Rita Martinez; at Kinsenas, Katapusan (Pebrero 4) nina Ayanna Misola, Jamilla Obispo, at Joko Diaz.
Noong 2021 ay pinakamaraming proyekto sa Vivamax si Direk Darryl Yap — Paglaki Ko, Gusto Kong Maging Pornstar; Tililing; KPL Rantserye; Gluta; Ang Babaeng Walang Pakiramdam; Revirginized; 69 + 1; Ang Manananggal Na Nahahati Ang Puso; Sarap Mong Patayin; Barumbadings; Pornstar 2: Pangalawang Putok, Barumbadings; at Pornstar 2: Pangalawang Putok.
Si Direk Darryl pa rin kaya ang pinaka-prolific na Pinoy director ngayong 2022?
Christine Bermas and Vince Rillon in Siklo
SPIDER-MAN: NO WAY HOME
Spider-Man: No Way Home ang unang bagong pelikula na ipalalabas sa local cinemas umpisa Enero 8, Sabado.
Meron itong 12:20 a.m. screening sa Newport Cinemas ng Resorts World Manila, Pasay City. Kahit laganap na sa internet ang pirated version nito, iba pa rin siyempre kapag pinanood ito sa big screen.
Ito ang pinakamalakas na pelikula last year. As we write this, umabot na sa $1.4B ang worldwide gross nito.
Dahil nasa Alert Level 3 na ang National Capitol Region (NCR) at mga karatig-lalawigang Bulacan, Cavite, at Rizal, 30% lamang ng seating capacity ang allowed sa loob ng mga sinehan.
Bantayan natin kung dadagsa na ang Pinoy moviegoers. Mula nang mag-open ang local cinemas noong Nobyembre 10 hanggang sa ganapin ang 47th Metro Manila Film Festival umpisa Pasko ay matamlay ang takilya, lalo pa’t humagupit ang bagyong Odette.
I CAN SEE YOUR VOICE SEASON 4
Magsisimula ang fourth season ng mystery game show na I Can See Your Voice ngayong weekend, Enero 8 at 9, Sabado at Linggo ng 9:30 p.m., sa Kapamilya Channel, A2Z, Kapamilya Online Live, Jeepney TV, at iWantTFC.
Host si Luis Manzano, at singvestigators sina Negi, Nikko Natividad, Lassy, MC, at Klarisse de Guzman.
Unang sasabak sa Sabado night ang mag-amang sina Janine at Monching Gutierrez sa pagkilatis kung sino ang see-nger at seen-tunado sa mga see-cret songer.
Janine Gutierrez and Monching Gutierrez
Sa Linggo, masusubukan naman ang galing sa paghula nina Cherry Pie Picache at Vina Morales. Ito ang unang beses na nagkita si Luis at Cherry Pie matapos kinumpirma ni Edu Manzano ang kanyang relasyon sa Marry Me, Marry You co-star.
Luis Manzano and Cherry Pie Picache
LITTLE PRINCESS
Kung panggabi ang Kapuso Primetime Princess, panghapon ang Kapuso Little Princess na si Jo Berry.
Mag-uumpisa ang serye ni Jo na Little Princess umpisa Enero 10, Lunes ng 3:15 p.m., pagkatapos ng Las Hermanas sa GMA Afternoon Prime.
Bida si Jo bilang Princess Montivano, na gagawin ang lahat upang iahon sa hirap ang kanyang pamilya. Gagamitin ni Princess ang galing niya sa online game na Magic Legends upang sumikat at magkamal ng limpak-limpak na salapi.
STAR CITY REOPENING
Nakatakda ang soft opening ng Star City sa Enero 14, Biyernes ng 2:00 pm.
Magiging open ito araw-araw, 2:00 pmp.m. hanggang 10:00 p.m. Ang introductory price ng Star Pass ay P400.
Sabi sa Facebook page ng Star City, “The long wait is finally over! Star City will be reopening this January 14, 2022!
“Tickets may be purchased at the gate. We will be announcing soon how tickets may be purchased online.
“Malapit na! Kita kits muli sa Star City!”
Right timing ba ang pagbubukas-muli ng nasabing theme park?
