Mas lumalim ang samahan ng Sparkle love team na sina Ysabel Ortega at Miguel Tanfelix dahil sa halos sabay nilang pagte-taping ng Philippine live-action remake ng hit Japanese animé na Voltes V: Legacy at romantic drama series na What We Could Be.
“Definitely po,” mabilis na pagsang-ayon ni Ysabel.
“Lalo na nga po na sinu-shoot namin ang What We Could Be, segue din siya with our other series. Halos araw-araw kaming nagkikita.
“Puyat kami but, at the same time, we’re there for each other. Nagbibigay ng energy kung may kailangan.
"I feel like yung camaraderie namin, yung team work namin, mas nakilala talaga yun sa working relationship namin."
Nararamdaman daw ni Ysabel ang suporta sa kanya ng ka-love team na si Miguel, at malaking tulong daw ito sa kanya.
“Honestly, ang laking tulong sa akin ni Miguel,” sambit ng dalaga.
“Of course, alam naman natin na magaling na actor si Miguel and I feel like ang dami ko rin natutunan sa kanya professionally sa set, and sobrang grateful lang ako kasi napaka-supportive niya.
“Even in Voltes V pa lang, talagang na-familiarize na namin ang isa’t isa when it comes to our work ethics.
"And I feel na dito namin sa What We Could Be na-execute talaga kasi ang dami naming scenes together. Nagtutulungan kami and tinutulungan niya ako.
“And I just feel grateful kasi, there’s a lot of pressure rin for me. One, to be paired with Miguel at bilang baguhan pa lang ako. And at the same time, to be one of the leads sa show na ‘to.
“Sobrang laking tulong sa akin na may support system ako, which is Miguel.”
JOURNEY TO SUCCESS
Hindi naging mabilisan ang journey ni Ysabel sa kanyang showbiz career.
Mula nang ilunsad siya sa ABS-CBN hanggang sa lumipat siya sa GMA-7, ngayon pa lang siya nabigyan ng pagkakataong maging bida.
Tinanong ng Philippine Entertainment Portal (PEP.ph) si Ysabel kung sumagi ba sa isipan niya noong mag-give up na lang.
Saad niya, “Actually, I think, five or six years na rin ako since I started in showbiz. And yung journey ko talaga, I feel na it’s perfect.
“Kasi, yung journey ko, kahit hindi madali, may mga challenges, I feel like kung hindi rin naman nangyari yung mga ‘yon, hindi rin naman ako mapupunta kung nasaan man ako ngayon.
“But definitely, yung start ng journey ko, I started in love triangle. I started as a kontrabida. Hanggang sa naging supporting cast ako.
"And of course, first show ko sa GMA was The Gift [2019]. I was the sister of Alden [Richards]. Definitely, there’s no small role talaga.
“So, yun lang talaga, every single show or every single opportunity, I give my best. Kasi, as long as you give your best, wala kang regret.”
Dagdag niya, “I feel na sobrang grateful ako kasi nabigyan din ako ng opportunity ng GMA sa show na ‘to [What We Could Be]. But, siguro yun, patient and hard work is what I’m going to use in describing my journey talaga as an actress.”
Inamin ni Ysabel na dumating sa puntong naisip niyang i-give up na lang ang kanyang showbiz career.
“Definitely, may time rin na gusto ko nang mag-give up. There were times din na napag-isip-isip ko kung mag-aral na lang ako. Kasi, nahirapan din akong mag-balance sa time.
“May time talaga na nahihirapan talaga ako. Pero iba rin kasi ang passion ko sa craft ko and I feel na yun ang nagtaguyod sa akin. Yun ang nagtawid sa akin para magpursige and keep going.
'“Fortunately, natapos ko ang pag-aaral ko kahit hindi ko naman kinailangang mag-quit. So, feeling ko, tiyaga lang talaga ang hard work.”
RELATIONSHIP STATUS
May balitang bawal pa raw makipag-boyfriend si Ysabel. Kumbaga, kung sakaling nililigawan na siya ni Miguel, bawal pang mag-"yes" dito.
Nasaan na ba ang closeness o relationship nilang dalawa ngayon?
Sabi ni Ysabel, “Yeah, very close kami ni Miguel ngayon and hindi naman po sa... well, hypothetically, bawal akong mag-say yes to anything like that.
"But, yun nga, kami ni Miguel, we’re really trying to just enjoy the moment.
“Hindi naman kami nagmamadali, yun… basta po, masaya kami ngayon. Enjoy lang po.”