Excited si Gabby Eigenmann sa role niya bilang si Commander Robinson, ang leader ng Earth Defense Force o armed forces na kalaban ng mga aliens sa Voltes V: Legacy.
Kaya natanong siya ng PEP.ph (Philippine Entertainment Portal): Pinangarap ba niyang maging sundalo o pulis?
Sagot ni Gabby, “Well it wasn’t really a dream, but nung panahon namin nung high school ako na nag-CAT [Citizen Army Training] at saka COCC [Cadet Officer Candidate Course], ROTC [Reserve Officers' Training Corps], sobrang excited ako!
“I was excited to lead, also, I was excited to be a follower. Sumali pa ako sa rifle exhibition.
"And since yung school namin kasi sa OB Montessori sa Greenhills, may mga assigned tasks kami.
"Ako, I always chose to be sa traffic, ako yung nag-aano ng traffic flow sa Greenhills.
"Natutuwa ako pagdating sa ganun kasi, siyempre, given the fact na sikat na sikat nung araw, e, yung Top Gun, so uso yung mga Aviator shades.
"Ako, gusto ko lang magbilad sa araw na nakasuot ng shades,” at tumawa si Gabby, na ang tinutukoy ay ang karakter ni Tom Cruise na si Maverick.
“So naka-uniform ka, e, so tipong, ‘O, wait lang, dito ang daan, mga kotse!’
“Hindi siya dream, pero na-e-excite ako sa mga ganun, lalo na pagkasuot mo na yung costume.
"The costume itself when you fit it or when you put it on gives a lot of character already.
“So mai-imbibe mo kaagad uniform pa lang, ‘Uy, I’m a general, I’m a commander, I’m a soldier!’
“Iba yung feeling, so, yeah, I consider it as…I get excited! I guess iyon ang, I think that’s the best term, I get excited when I put on a uniform.”
Nakausap ng PEP.ph si Gabby via Zoom sa pocket interview sa mga cast ng Voltes V: Legacy noong March 13, 2023.
Biro ng writer na ito sa kanya, mula sa pagiging student traffic enforcer, ngayon ay commander na siya na nagpoprotekta sa buong mundo laban sa mga aliens.
Sabi niya, “Yes, buong mundo talaga! Isa sa mga unforgettable scenes ko dun is yung niyu-unite ko lahat ng mga leaders of the world.
“Meron ako speech doon na, may eksena dun na may speech ako, I was uniting all the leaders of the earth to help and defend the whole world. Iba, iba yung feeling
"Ang sarap ng all eyes on you tapos ikaw yung nagko-command sa kanilang lahat na, ‘Tama na ang away-away, tara tulungan natin ang Voltes V!’
“Ang sarap, ang sarap ng feeling na ganun. Sana totoo,” at muling tumawa si Gabby.
Naniniwala ba naman si Gabby na totoong may aliens dito sa mundo?
“Yes! Before, ako, parang to see is to believe; likewise, if kahit sa mga ghosts, sa mga ganyan.
“But ako, siyempre, pag nakita mo mas maniniwala ka, pero hangga’t hindi mo nakikita… but like I feel that there is, they exist. I feel that they exist.”
Kamukha kaya sila ni Martin del Rosario at Liezel Lopez na gaganap na mga aliens na sina Prinsipe Zardos at Zandra sa Voltes V: Legacy?
“Sana ganun! I wouldn’t mind meeting them, di ba,” ang tumatawang pagtatapos ni Gabby, na kagagaling lamang mula sa tatlong linggong bakasyon niya sa Los Angeles sa U.S., kung saan binisita niya ang kanyang mga kapatid, pinsan, at grandparents.
Mapapanood na ang Voltes V: Legacy simula May 8 sa GMA Telebabad.
Bago iyan, simula April 19, ay mapapanood sa mga SM Cinemas! ang Voltes V: Legacy The Cinematic Experience na special edit ng mga episodes sa unang tatlong linggo ng show.
Mabibili ang mga ticket sa https://bit.ly/VoltesVAtSMCinema at sa mga SM Cinema App at SM Cinema ticket booths.
Bukod sa Voltes V: Legacy ay kasama rin si Gabby sa cast ng pelikulang Papa Mascot, kung saan bida si Ken Chan at kasama rin sina Miles Ocampo, Erin Espiritu, Jericho Arceo, Tabs Sumulong, Sue Prado, Yian Gabriel, Jordaine Suan, Joe Gruta, at Liza Diño.
Ito ay mula sa produksiyon ng Wide International, sa panulat ni Ralston Jover at sa direksyon ni Louie Ignacio.