Itinanggi ng young singer-actress na si Lovi ang balitang hindi raw sila nagkakasundo ng co-star niyang si Yasmien Kurdi sa Bakekang. May lumabas kasing balita na nag-iisanaban ang dalawa sa set dahil mas pinupuri ang acting ni Yasmien bilang Charming kesa kay Lovi bilang Kristal—magkapatid ang role nila sa GMA-7 primetime drama series.
"That's not true po kasi good friends kami talaga ni Yasmien," nakangiting sabi ni Lovi sa SOP Music Awards last Sunday, November 26, sa Mall of Asia. "Noong time na nagge-guest pa lang ako sa mga TV shows [ng GMA-7], si Yasmien ang parati kong nakakasama sa dressing room.
"Tapos kapag may shows," patuloy niya, "si Yasmien din ang nakakasama
ko kaya naging friends na kami. Kaya it's not true na hindi kami
magkasundo. Si Yasmien pa naman, makuwento siya and I love to listen to
her stories."
Tungkol naman sa obserbasyon ng iba na mas magaling umarte si Yasmien kesa sa kanya, hindi raw nababahala si Lovi rito.
"That's not a problem for me kasi totoo naman," pag-amin ng anak ng yumaong si Fernando Poe, Jr. "Yasmien is a very good actress. Mahirap yung role niya as Charming. Mas demanding ang role niya sa Bakekang kaya she deserves all the good reviews.
"Ako naman, I am trying to give out my best. Nakakaiyak na nga ako nang
maayos unlike before na nahihirapan ako. Pagiging singer naman talaga
ang gusto ko, pero I also like to explore acting. I know na marami pa
akong dapat matutunan sa pag-arte and Yasmien is there naman to help me
out."