Jolo Revilla thankful for having his son on his birthday

IMAGE 0


Jolo Revilla got his birthday wish—to see his son Gabriel.


Isang magandang regalong maituturing ng binatang si Jolo Revilla ang pagsasama nila ng kanyang anak na si Gabriel sa kaarawan niya noong Marso 15.

Matatandaang nasa pangangalaga ngayon ni Grace Adriano, anak ni Rosanna Roces, ang anak nila ni Jolo. Gayundin, tumanggi noon ang ina ni Grace na ipahiram sa mga Revilla ang bata. Ngunit kamakailan lamang ay pumayag na si Osang na ipahiram si Gab kay Jolo sa kanyang kaarawan.

"Natutuwa ako. Sobrang natutuwa ako. Tita [Rosanna], sobrang thank you sa pagpapahiram mo kay Gab. Alam n'yo naman siguro na 'yon lang 'yong birthday wish ko for my birthday," sabi ni Jolo sa panayam sa kanya ng Startalk.

Bukod kay Jolo, nagpakita rin ng kasiyahan ang ama nitong si Senator Bong Revilla. "Natutuwa ako kasi, at least, kasama namin 'yong apo namin. Tinawagan ko si Tita Cristy [Fermin, malapit na kaibigan ni Osang], nasabi ko nga na kung pwede hiramin ko si Gab, pakisabi kay Osang para sorpresa ko nga [kay Jolo]. Biglang pagdating ko, nandito 'yong apo ko. Nawalan ako ng sorpresa."

Umaasa rin si Bong na umpisa na ito ng pag-aayos ng pamilya niya at ng pamilya ni Osang para kay Gab.

Ani Bong, "Unang-una, nagpapasalamat ako kay Osang, at least, pinahiram sa amin 'yong bata. Sana tapos na nga lahat ng problema. I hope one day magkita-kita kami, magkasama, and have dinner together para mabura na lahat."

Samantala, kapansin-pansin noong kaarawan ni Jolo ang diumano'y bagong babae sa buhay niya. Ayon sa ina ni Jolo na si Lani Mercado, ikatlong pagkakataon na niyang nakita ang sinasabing dalaga.

Tanggap naman ng mga magulang ni Jolo kung may bago nang nagpapatibok ng kanyang puso. Ang tanging paalala lamang ni Bong, "Magtapos na muna siya ng pag-aaral niya. At baka mamaya ay makadisgrasya na naman, mahirap na."


WE RECOMMEND


FROM THE SUMMIT MEDIA NETWORK


SPONSORED CONTENT


COMMENTS

Loading comments

THIS JUST IN