Mapapanood si Ms. Dina Bonnevie sa isang primetime series ng GMA-7 by next year.
Nakausap ng PEP (Philippine Entertainment Portal) si Ms. D. nang ma-guest ito last Saturday, October 6, sa pre-final week ng U Can Dance ng ABS-CBN. Ayon kay Ms. D. magtatapos na nga raw ang kanilang series na Natutulog Ba ang Diyos? in two weeks time, pero, after her NBAD, mapapanood naman siya sa kabilang network, GMA-7.
Hindi ikinaila ni Ms. D. na may koneksiyon ang naging isyu noon sa pagtanggap ng kanyang manager na si Arnold Vegafria ng project sa Kapuso at Kapamilya network nang sabay ay wala siyang kaalam-alam.
"I'm going to do one soap in GMA-7. Siyempre, I don't want to burn bridges naman. Kahit papaano, nagkaroon din naman ako ng show sa Channel 7 for six years. Pero isa lang naman ang gagawin ko, then I'll go back to Channel 2," paliwanag ni Ms. D.
Hindi pa lang daw niya pupuwedeng i-reveal kung anong primetime series ang gagawin niya, pero malamang daw na ito ang magiging kapalit ng Marimar.
"Primetime siya at next year pa siya maipapalabas. Pero we'll start taping na rin this year. Ako naman, I'm very thankful na after what happened, wala namang naging problema with both networks. Sabi ko nga, hindi ko rin naman kasalanan ‘yon. I didn't even know na tinanggap pala ni Arnold. Inamin niya lang sa akin on the day of the presscon ng Natutulog Ba ang Diyos? At kaya ko lang din naman nalaman nang sinabi sa akin ng press! Kaya, para hindi naman magalit ang GMA, pagbibigyan din namin ang GMA-7."
Gayunpaman, aminado si Ms. D na mas identified na talaga siya as a Kapamilya star. "I think kasi for how many years, I've been doing soaps in Channel 2, di ba? Hiram, then Walang Kapalit, and then Natutulog...I think, more or less, mas na-identify na ako sa Dos. And this time naman, nagpaalam naman kami nang maayos dahil ‘yon na nga, nagkasabay ang offer.
"And besides, wala naman akong exclusive contract sa kahit anong studio. But let just say na sa Channel 7, ang nagawa ko lang namang soap is Ikaw Lang ang Mamahalin and Narito ang Puso Ko. Let's just say na itong soap na gagawin ko, will be third. So, patas na lang sila. Tig-three na. Tingnan na lang natin kung saan ako mananatili. Magiging Kapuso ba ako o Kapamilya?"
Pero ang pinaka-wish si Ms. D ay yung makabalik daw siya talaga sa hosting.
"I wish...I wish talaga! I wish na mabalik ako sa pagho-host. I really love yung morning talk show. Kahit hindi maging morning, basta a show na ganoon. Kasi ang daming mga fans talaga na nakikinig sa show, talagang they value the advices. Na kahit hindi na ako naghu-host ng show, palagi pa rin nila akong tinatanong.
"Kaya sabi ko, sana mabigyan ulit ako ng hosting show. Kahit na hindi morning show, kahit once a week, okay na ‘yon."
ON ROSANNA ROCES. Natuwa naman si Ms. D nang hingan siya ng PEP ng reaction na among the cast of Natutulog, silang dalawa ni Rosanna Roces ang sinasabing inaabangan talaga ang mga eksena at acting-wise ay sila ang nagdadala ng serye.
"Talaga? Wow! Nakakataba naman ng puso 'yan na sa amin ibinibigay ang credit. Thank you so much kung sa tingin nila nabubuhay ang soap dahil sa acting namin ni Osang, maraming salamat!
"Actually, malaki rin ang relevance sa akin ng Natutulog kasi this is the first time I worked with Osang. At sa tagal-tagal na panahon na hindi kami nag-uusap. Kasi, we didn't like each other. Let's face it, I really did dislike her and she did dislike me."
Matatandaang nagsimula ang kanilang alitan nang may mga nagkomento na kamukha raw ni Osang si Dina.
"Pero nakakapagtaka na nang magkasama kami sa isang project, lahat na lang ng lumalabas parang gimmick, press... Sabi nga niya, minsan daw hindi naman daw nanggagaling sa kanya.
"Sabi ko, 'Talaga lang? E, ang saki-sakit mong magsasalita sa TV ng kung ano-ano! Sigurado ka bang hindi galing sa ‘yo?'
"Tapos, sabi niya sa akin, 'Ano ba ang pinakasasama-sama ng loob mo?'
"Sabi ko, 'Nang tinawag mo akong laos!' Pero sabi ko, 'In fairness, nang tinawag mo akong laos, ang dami-dami kong projects, tapos ikaw nawala!' Tapos, tumawa lang siya.
"Sabi niya, 'Wala na ‘yon. Hindi ko nga alam kung saan nanggaling ‘yon. Sa akin ba nanggaling ‘yon?'
"Sabi ko, 'Oo! Sabi ng diyaryo!'
"Sabi rin niya, 'Naku, kalimutan na natin ‘yon. Matatanda na tayo. Past is past.'"
Kuwento rin ni Ms. D, sa pinagsama rin daw nila ni Osang sa taping ng Natutulog, mas nakilala niya raw ito hindi na lang bilang Rosanna Roces...
"I got to know her as a person. Noon kasi, akala ko napaka-worldly. Noon kasi, sabi ko, 'Itong babaeng ito walang inatupag kundi maghubad, pera, manlait ng mga tao!' Pero when I met her in Natutulog...hindi kasi kami pareho ng set. Set ko sa mansion, siya naman sa squatter.
"Pero nagulat ako na ano rin pala siya, she's really a mother na madamdamin din. Just like me. Then, na meet ko ang anak niya, si Onyok. Madalas naming pag-usapan si Grace, si Onyok. Yung lovelife niya. Bakit sila naghiwalay ng asawa niya? ‘Yung nanay niya...yung totoong nanay niya na sana nga raw, hindi na lang niya na-meet dahil lalo lang gumulo ang buhay niya.
"Now, I ask, bakit kaya naging ganoon ang impression ko kay Osang? Kasi, everything I thought about her is not naman pala the real Osang. But the real Jennifer [Molina]...I forgot her surname, pero sobrang napaka-down-to-earth. Alam mo, ang lambot pala niya sa loob."
Dugtong pa ni Dina, may similarity raw pala sila pagdating sa bagay na ‘yon.
"Ako kasi, sa labas, mataray, ang tapang ni Ms. D. Pero deep inside, mga pusong mamon kami. And I'm happy that I was given a chance to work with her. Sabi ko nga, siguro talagang inaayos ng Diyos kasi dati, si Kris [Aquino], I also don't like to work with her."
Kung matatandaan, before Hiram ay may mga isyu rin between Ms. D and Kris.
"Dati rin, ayoko siyang makausap, hate ko siya! Pero nang magkasama kami, nagkabati kami," natatawang pagkuwento ni Dina.