Carlos Agassi aspires to be world-class physical trainer

by Nerisa Almo
Nov 9, 2007
Carlos Agassi ignores rumors that he's a steroid junkie. Instead, he sends this message to his detractors: "Ang labanan naman po sa health natin is to live a healthy long life and, most of all, happy."

Isang patunay na mali ang mga balitang hindi maganda ang kalusugan ng aktor na si Carlos Agassi nang dumalo siya sa presscon ng Princess Sarah kahapon, October 8, sa 9501 Restaurant sa ABS-CBN compound, Quezon City.

Pinabulaanan ni Carlos ang mga usapin na nagte-take diumano siya ng steroids kung kaya maganda ang kanyang pangangatawan. Gayundin ang balitang kasalukuyan siyang nagda-dialysis dahil sa sobrang paggamit ng steroids.

“Never po akong nag-steroids, never po akong nag-dialysis. I don’t see any reason for me to take that kind of substances,” nagulat na sagot ni Carlos.

Dagdag pa niya, “And I don’t see why people think na I take it. I mean, it’s really hard siguro for some people na, ‘Wow, yung discipline ni Carlos sa pagkain, sa pag-workout.’ Kasi kapag nakita n'yo po akong nakadamit, sasabihin n'yo lang slim. Pero kapag naghubad, parang drawing lang yung katawan.”

SHOWBIZ BREAK. Huling nakita si Carlos Agassi sa fantaserye na Rounin. Matapos nito ay ilang buwan din siyang hindi nakita sa telebisyon at pelikula.

Continue reading below ↓

Ayon sa kuwento ni Carlos, sa panandalian niyang pagkawala sa showbiz ay nag-enroll siya sa American Council on Exercise (ACE) para sa Physical Training na kanyang kasalukuyang pinag-aaralan.

“Kapag napasa ko po 'yon next year, sa November [2008], physical trainer na ako all over the world. And kinukuha ko yung ibang credits ko sa [De La Salle University], [B.S.] Psychology, and I’m gonna apply in U.P. for Nutritionist. And sana everything goes well, mga one and half, if I graduate nutritionist na ako, Psychology [graduate], and physical trainee.”

Ngunit nilinaw ng aktor na hindi niya ito ginawa dahil sa depression.“May time lang din na, of course, walang project, di ba?” sabi ni Carlos. Siyempre, kung gagawa ka na rin lang, yung gusto mo, di ba? So, I just waited for the right one and it’s a blessing, ito po dumating [Princess Sarah].

“Parang ang ganda ng role, ang ganda, I mean, to be part of this project.I’m so excited and nakatrabaho ko ulit si Diether [Ocampo], kagrupo ko sa Hunks; si Albert Martinez na napapanood ko pa noong araw, magaling umarte; sila Direk Don [Cuaresma] at Direk Nuel [Naval]; si Sheryl Cruz. So parang, ‘Wow, ang sarap!’”

Continue reading below ↓

Isa sa mga dahilan kung bakit napili ni Carlos na mag-aral muli, ayon sa kanya, ay para maituro sa iba ang kanyang mga napag-aralan.

Paliwanag ni Carlos, “Ako, sabi ko, parang gusto kong maging physical trainer at the same time nutritionist. Yung nakakatulong ka sa mga taong kailangan bigyan ng time—tulungan sila sa tamang pagkain, tamang pagtulog, proper way of losing weight or gaining weight.

“Yung mga athletes natin, kung gusto nila mag-strength and endurance training, or yung gusto lang magpaganda ng katawan. Gusto ko lang i-share yung knowledge na nai-apply ko sa sarili ko and then, at the same time, just in case I get to tour the world sa workshop or to train.

“Kasi kaya ko po ito kinuha para hindi lang nakakulong sa isang gym. May personal training ako, I have my own gym in the house and I could go to you and teach you, may sarili akong gamit. Talagang the human body is like the universe, marami pa po tayong hindi nadi-discover.”

Continue reading below ↓

SHOWBIZ INTRIGUES.Para kay Carlos, hindi na niya masyadong pinapansin ang mga intrigang binabato sa kanya ngayon. Nag-aalala lamang daw siya sa mga taong malapit sa kanya na nasasaktan sa mga bali-balita tungkol sa kanya.

Ayon kay Carlos, “Yung mga intriga naman po kasi, tayo naman po kasi very positive person tayo and kung hindi naman talaga totoo, hindi ka naman talaga apektado. Ang nagiging problema ay yung mga tao na nagmamahal sa 'yo.Siyempre, hindi ka nila nakikita nang matagal, baka akala nila totoo [yung mga intriga].

“So yun lang, naa-affect yung mga matagal nang hindi na nakakakita or yung matagal kong kaklase, kaibigan. But wala pong katotohanan 'yon, alam n'yo naman minsan, baka wala lang magawa.”

Muli niyang nilinaw na wala siyang anumang sakit ngayon. Patunay ni Carlos, “Sa awa ng Diyos, this year, medyo konting sipon po pero hindi pa rin natuloy. Kumbaga, I really eat well, sleep well. Wala, wala po akong itinatago. Baka ibang Carlos po 'yon. Kung nagkasakit man ako, I would ask for your prayers and help na gumaling ako, hindi ko naman po itatago o ikahihiya.”

Continue reading below ↓

At para sa mga nagbabalita ng masama tungkol sa kalusugan ni Carlos, ito ang kanyang iniwang mensahe: “Doon po sa mga nagwi-wish bad sa akin, huwag naman po. If you wanna have a nice body, kailangan po talagang paghirapan at magkaroon ng foundation because, tandaan niyo, if you take the easy way, easy way din po mawawala sa inyo 'yan.”

Read Next
Read More Stories About
Carlos Agassi, Princess Sarah
Featured
Latest Stories
Trending in Summit Media Network

Featured Searches:

Read the Story →
Carlos Agassi ignores rumors that he's a steroid junkie. Instead, he sends this message to his detractors: "Ang labanan naman po sa health natin is to live a healthy long life and, most of all, happy."
  • This article was created by . Edits have been made by the PEP.ph editors.
    Poll

    View Results
    Total Votes: 12,184
  • 50%
  • View Results