Hindi pinalampas ni Kris Bernal ang sinabi umano ni Aljur Abrenica na "playgirl" siya. Nakarating kasi kay Kris na nagkaroon ng interview si Aljur at nabanggit nga raw ng huli ang pagiging playgirl ng young actress.
Ikinaila naman daw ito Aljur. Baka raw na-misinterpret lang ng reporter ang pagkakasabi niya ng word na "playgirl." Hindi naman daw niya directly sinasabing playgirl si Kris.
Sabi naman ng Starstruck Batch 4 Ultimate Sweetheart,"Noong may nagsabi sa akin noon, tinawagan ko kaagad si Aljur. Hindi naman ako galit sa kanya. Gusto ko lang malaman kung totoo na may sinabi siya na playgirl ako. Kasi nalaman din ng family at ng friends ko, parang hindi raw maganda kasi. Pero sinabi naman ni Aljur na hindi niya directly sinabi na playgirl ako. Hindi raw niya sasabihin iyon sa akin. Baka raw hindi sila nagkaintindihan ng reporter."
Dagdag pa ni Kris, "Okey lang naman ‘yon. Wala akong sinisisi at hindi ako
galit sa reporter na nagsulat. Naging issue lang kasi sa family ko. Pero
in-explain ko naman sa kanila na ganyan ang trabahong pinasok ko. Naintindihan
naman yun ng family ko."
Masasabi nga bang playgirl si Kris Bernal?
"Hindi naman po. Playgirl ba yung maging close ka lang sa mga guys? Hindi ko naman sila nagiging boyfriends, eh. Ang playgirl yung hindi lang isa or dalawa ang boyfriend, ‘di ba? Hindi naman ako gano'n. Siguro dahil nali-link ako sa ilang guys...pero it doesn't make me a playgirl naman. Iba pa rin ang ibig sabihin no'n," ang depensa ni Kris.
Sa thankgiving party nga ng Zaido: Pulis Pangkalawakan ay tinanong din si Kris kung totoong may iba nang dine-date na babae si Aljur at isang non-showbiz girl ito. Clueless daw tungkol dito si Kris pero okay rin naman daw sa kanya kasi hindi naman naging sila ni Aljur.
"Kung meron nga siyang ibang dine-date, walang problema sa akin kasi wala naman kaming relasyon. Libre siyang gawin ang gusto niya," ang mabilis niyang sagot.
"Kung nagseselos ako?" ang balik-tanong ng dalaga. "No wala namang gano'n. Alam ni Aljur how I feel for him at alam ko rin kung ano ang nararamdaman niya for me. Pero kung hindi kami meant for each other, tanggap ko naman iyon. Baka nga may ibang tao na para sa aming dalawa."