Katrina Halili dismisses "secret affair" with Dr. Hayden Kho

by Erwin Santiago
May 25, 2008
Katrina Halili pokes fun at rumormongers: "Tigilan niyo ako. Hindi porke't mabait na ako, hindi ko kayo papatulan!" Dr. Hayden Kho (inset, top) speaks for himself and for Dr. Vicki Belo (inset, bottom): "Mahal namin si Katrina. Mahal ko si Katrina. Mahal niya rin si Katrina. Mahal talaga namin si Katrina."

Kapwa pinabulaanan nina Katrina Halili at ng magkasintahang sina Dr. Hayden Kho at Dr. Vicki Belo ang balitang may "secret affair" sina Katrina at Hayden. Sa magkahiwalay na panayam sa kanila ng StarTalk kahapon, May 24, ay sinabi ng dalawang panig na walang katotohanan ang naturang balita.

"Hindi ko po alam kung saan galing ‘yon. Basta okay po kami ni Dr. Belo, mataas po yung respeto ko sa kanila. Huwag naman po sana kaming gawan ng issue," sabi ni Katrina sa StarTalk host na si Joey de Leon.

Samantala, pinabulaanan naman ni Katrina ang isa pang balita na nagpupunta si Hayden sa condo unit niya.

"Ano po ang gagawin ko dun?" sagot niya sa tanong ni Joey.

Hindi rin daw totoo na si Katrina ang nagpupunta sa condo unit ni Hayden. Nagkikita lang daw sila sa clinic ni Dr. Hayden kapag may appointment ang star ng Magdusa Ka.

"Okay po kami. Walang pong isyu sa amin. Tigilan niyo ako. Hindi porke't mabait na ako, hindi ko kayo papatulan!" biro ng leading lady na ngayong si Katrina.

Continue reading below ↓

THE DOCTORS ARE IN. Sa taped interview naman kay Dr. Belo, sinabi nitong: "Alam mo, baby kasi namin si Katrina. Kasi si Katrina, pasyente naming ilang taon na. And napakabait na bata, sobrang sweet, sobrang bait. Si Katrina, hindi ako mai-insecure kasi napaka-loyal ng batang ‘yan. She'll never do anything like that... Alam ko naman maraming magkekerengkeng kay Hayden ‘pag pumasok na siya sa showbiz, pero hindi si Katrina."

Ayon naman kay Hayden, "Okay lang yung mga inintriga, pero huwag naman sanang parang pinapaniwala yung mga tao kasi naaapektuhan yung... Sa ngayon wala pa, pero makakaapekto ‘yan sa relationship namin ni Vic, and siyempre sa akin din. Napakabait ng batang ‘yon [Katrina]. Very sweet yung image niya, huwag naman sana."

Dagdag pa ni Dr. Belo, "Baka mahiya na si Kat sa amin, iba na lang. Pumili na lang kayo ng iba..."

"Mahal namin si Katrina. Mahal ko si Katrina. Mahal niya [Dr. Belo] rin si Katrina. Mahal talaga namin si Katrina," sambit naman ni Hayden.

Continue reading below ↓

OLDER WOMEN. Tiniyak din ni Dr. Belo na mas preferred ni Hayden ang mas mature na babae kaysa sa mga kaedad ng 28-year-old cosmetic surgeon turned doctor.

"Kaya siguro attracted si Hayden sa elder beautiful women, older woman, kasi mas stable. Hindi na kami masyadong nara-rattle sa mga ganun, mga selosan. I know where I stand with him. I feel secure with his love. I understand him very well. So I hope lang, sana totoo ‘to. Sana next year, nandito pa rin kaming dalawa," pahayag ni Dr. Belo.

Pero ngayong magku-concentrate na si Hayden sa kanyang showbiz career, hindi itinatago ni Dr. Belo ang kanyang pag-aalala. Kasama kasi si Hayden sa cast ng Kim Sam Soon na pinagbibidahan ni Regine Velasquez.

Ani Dr. Belo, "Pero ngayong malayo siya, magte-tape siya sa Tagaytay, saka tatlong araw dire-diretso... Hindi pa kami naging apart, so I don't know... Secure ako ngayon kasi magkasama kami 24/7. ‘Pag hindi ko na siya nakikita, medyo natatakot na rin ako. Baka magkaroon ng konting ano... Pero we made an agreement na pag-usapan namin if I have a little insecurity or suspicion."

Continue reading below ↓

BAPTISM OF FIRE. Ngayong desidido na si Hayden na pasukin ang showbiz, handa na ba siya sa mga intriga gaya ng balita ngayon tungkol sa kanila ni Katrina?

"I guess it's my baptism of fire," sagot niya. "This is really part of show business, ang mga intriga-intriga na ‘yan. I mean, bago akong salta dito sa showbiz. So parang naintindihan ko naman na controversies really exist. It's really like the lifeblood of showbiz.

"Yung mga sumusulat ng intriga about us, yung mga naninira, alam mo iniisip ko ‘yan, parang okay din kasi natatanggal din nila yung atensiyon ng mga tao dun sa mga negative things, like war, massacre, poverty, ganyan, and veer it towards people like me, Vicki, ganyan. Walang siraan sana, walang siraan," pakiusap ni Hayden.

Read Next
Featured
Latest Stories
Trending in Summit Media Network

Featured Searches:

Read the Story →
Katrina Halili pokes fun at rumormongers: "Tigilan niyo ako. Hindi porke't mabait na ako, hindi ko kayo papatulan!" Dr. Hayden Kho (inset, top) speaks for himself and for Dr. Vicki Belo (inset, bottom): "Mahal namin si Katrina. Mahal ko si Katrina. Mahal niya rin si Katrina. Mahal talaga namin si Katrina."
  • This article was created by . Edits have been made by the PEP.ph editors.
    Poll

    View Results
    Total Votes: 12,184
  • 50%
  • View Results