Aminado ang international Filipino make-up artist na si Roi Santos na maraming advantages ang pagme-make-up niya sa mga celebrities.
“Yes, there are perks lalo na ngayon na everything is on social media,” pahayag ni Roi sa panayam ng PEP.ph (Philippine Entertainment Portal) sa kanya noong December.
Kabilang sa mga celebrities na naging kliyente ni Roi ay sina Beth Tamayo, Rufa Mae Quinto, Donita Rose, Jinkee Pacquiao, Cherie Gil, Bunny Paras, Maria Isabel Lopez, at Rabiya Mateo na Miss Universe Philippines 2020 at female lead ng Book 2 ng Agimat Ng Agila.
Bago raw siya humawak ng mga celebrities, two hundred lang ang kanyang followers sa Instagram.
“And when I started doing celebrities, it skyrocketed to 51,000 in Instagram because their followers follow you,” ang natatawang kuwento pa ni Roi sa kanyang mediacon via Zoom.
“Lalo na po kapag pinu-post nila yung make-up nila and they would tag you. I get a lot of inquiries sa mga fans nila.”
BUILDING FRIENDSHIPS WITH CELEBRITIES
Nagbalik-tanaw si Roi kung paano siya nabigyan ng oportunidad na maging celebrity make-up artist sa Burlingame, California.
Nagtatrabaho siya noon bilang make-up artist ng beauty brand na Sephora, nang biglang pumasok si Rufa Mae Quinto sa kanilang store.
Kuwento ni Roi, "It was also close to Christmas about a year ago, Rufa Mae Quinto walked into the Sephora where I had already been working for about five years.
"She was shopping for make-up, of course, and I couldn't help myself talaga. Nilapitan ko siya and I asked, ‘Are you the famous comedienne in the Philippines? Are you Rufa Mae Quinto?'
"She said, 'Yes!' and it started there. Make-up became the foundation of our friendship, and not a week later, she invited me to L.A. so I could do her make-up for a shoot."
Ang naturang pictorial ni Rufa Mae ay para sa pinakaunang magazine cover niya sa Amerika kung saan siya naka-base na ngayon.
Naging daan si Rufa Mae para makapagsimula si Roi na makipagkaibigan sa iba pang Filipino celebrities na nasa abroad.
Ayon pa ni Roi, may mga kliyente na nagpapadala sa kanya ng direct message sa Instagram tulad ng "Can you make me pretty like Jinkee Pacquiao?"
Isang magazine cover rin ni Jinkee ang naging project ni Roi.
“’Yung skin niya ang asset niya. Sobrang flawless. I was very amazed when I was doing her make-up. Talagang yung foundation niya sobrang konti lang. Talagang pantay ang kulay niya,” papuri pa ni Roi sa misis ng Pambansang Kamao at Presidential aspirant na si Manny Pacquiao.
Ibinahagi naman ng make-up artist ang minsang sinabi sa kanya ni Donita Rose, na isa rin sa mga naging inspirasyon niya upang maabot ang kanyang mga pangarap.
"She told me once, 'Always be humble. Huwag lalaki ang ulo but always know your worth."
Natatawa namang ikinuwento ni Roi na kahit sanay na sanay na siya sa kanyang propesyon ay ninerbiyos pa siya nang kaharap na niya si Cherie Gil.
“Cherie Gil was very nice!
“But I was nervous, you know. I was nervous at first because she’s an icon, she’s a legend.”
Isang buwan raw pinag-aralan ni Roi ang mukha ni Cherie (sa pamamagitan ng mga larawan at pagdu-drawing) bago ang mismong araw na me-makeup-an na niya ang mahusay na aktres.
“Kasi po when you draw it on paper, it’s like you do your research, you do your assignment.”
“Pagdating pa lang niya, ipinakita ko na ang aking drawing. ‘Miss Cherie Gil, from [the color of] this gown, this is gonna be your eye shadow, this is gonna be your peg, OK po ba?’”
Katulad ng iba niyang celebrity clients, napakagaan rin daw katrabaho ni Cherie.
Masayang sinabi pa ni Roi na ang mga kliyente niya ay nagiging mga kaibigan na rin daw niya.
FINDING HIS PASSION
Paslit pa lamang si Roi nang mag-umpisa siyang manirahan sa Amerika kasama ang kanyang mga magulang at kapatid na babae, 30 years na ang nakakaraan.
Naka-base ngayon ang kanyang pamilya sa San Mateo, na nasa Bay Area sa California.
Kuwento niya, "My sister and I have always been fortunate that our parents worked very hard so we could go to school and live better lives over here.
"My mom is my inspiration. She worked two jobs while we were growing up and would always say we should get into something related to the medical field."
Bilang isang masunuring anak, nag-aral si Roi at naging isang pharmaceutical assistant. Kaya naman sa simula ay inakala niyang sa medical field ang kanyang tadhana.
Pero kahit maganda ang kanyang kinikita, hindi masaya si Roi.
Patuloy niya, "It was also around this time that I finally embraced my identity and came out to my family as gay, and right away, they supported me and asked me what I wanted to do next."
Doon na nagpagtanto ni Roi na ang passion niya ay nasa larangan ng pagpapaganda o make-up.
Hindi kasi makalimutan ni Roi ang isang insidenteng nangyari noong siya ay isang high school student na binu-bully dahil sa kanyang acne.
Kuwento ni Roi, "Back in high school, I still vividly remember how I walked into a mall, and a lady behind the counter changed my life by teaching me how to use the right color concealer for my acne. I was secretly hooked on make-up from that day forward."
Bilang patunay na buo ang suporta ng kanyang pamilya, agad na in-enroll si Roi ng kanyang ina sa isang Cosmetology course sa kanilang community college.
At dahil sa kanyang sipag, tiyaga at pagmamahal sa kanyang propesyon ay mabilis umangat ang career ni Roi.
"I feel so fortunate that with so many make-up artists here, they would ask me to do their make-up for special occasions. And most of all, that they actually refer to me as their friend to this day."
Ano pa ang nais ni Roi na ma-achieve sa kanyang career?
"Hollywood, or maybe even back to the Philippines and open my own salon there too," panalangin niya.
Pero hindi raw niya tatalikuran ang kanyang karera sa North America, lalo pa nga at magiging bahagi siya sa isang advertising campaign kabilang ang pinakamahuhusay na make-up artists ng Sephora sa buong Amerika!
"I froze when I got the email that I was chosen, because there's like 2,000 Sephora stores all around the States," bulalas pang kuwento ni Roi.
Sa lahat ng tagumpay na tinatamasa niya ngayon sa Amerika, isang bagay ang nananatiling naka-marka sa kanyang isip at puso.
"As they say, 'Iwagayway ang bandera ng Pilipinas,' which is something I will always do whatever opportunity comes my way.
“And as a proud Filipino sharing my story with you today, I hope I can inspire our fellow Filipinos that we can achieve our dreams and passion with honesty, hard work, and determination."
Sa mga nais na mas makilala pa at makita ang mga achievements ni Roi at kunin ang kanyang serbisyo, maaari siyang ma-contact sa kanyang Instagram account na @roithemakeupartist.