Nang unang ipalabas ang actual footage ng closeness na nakita kina Jake Cuenca at Bea Alonzo at nang kumpirmahin ni Bea na totoong lumabas sila ni Jake for dinner, agad na hinintay ng publiko ang magiging reaksiyon ng ex-girlfriend ng young actor na si Roxanne Guinoo.
Lalo tuloy lumalim ang hinala ng iba na kung si Roxanne ay hindi pa diumano nakakapag-move on sa kinauwian ng relasyon nila ni Jake, mukhang kabaligtaran naman daw ito sa binata. Ganun na lang daw kasi kabilis kalimutan ni Jake ang pinagdaanan ng relasyon nila ni Roxanne at lumalabas na mukhang mas malalim talaga ang emosyon na in-invest ng dalaga sa ex-boyfriend.
Pero sa panayam ng PEP (Philippine Entertainment Portal) kay Roxanne, idiniin niya na she's moving on right now. Ang focus daw niya ngayon ay ang kanyang showbiz career, lalo't sunud-sunod ang trabahong ipinagkakatiwala sa kanya ng ABS-CBN.
"Okey na ako, happy na ako finally," sambit niya. "Dito ako sa work ko naka-focus ngayon. For me, ayoko munang i-prioritize ang love life, career yata muna ang para sa akin, huwag daw muna love life."
Nang tanungin kung masakit ba para sa kanya ang balitang pagkakamabutihan nina Jake at Bea, iwas na ring magbigay ng anumang komento si Roxanne.
"Wala na yun, tapos na yun. Out na ako sa picture diyan. After nung maghiwalay kami ni Jake, hindi na ako puwedeng makialam pa. Karapatan na nila yun."
DATING VICTOR? Samantala, after aminin ng model-actor na si Victor Basa na crush niya si Roxanne ay nabalita rin na nag-date na sila at nanliligaw na raw ang binata sa bida ng Ligaw Na Bulaklak. Totoo ba ito?
"Wala akong dine-date," tanggi ni Roxanne. "Busy ako sa trabaho, every day I'm working. Wala akong time dun saka kailangan ko rin ng time sa sarili ko para mag-heal. Gaya nga ng sinabi ko, masaya na ako sa mga magagandang nangyayari sa akin ngayon. Puro blessings naman ang kapalit.
"Hindi totoong nanliligaw sa akin si Victor. Nirerespeto ko ang pagiging magkaibigan nila ni Jake, sana ganun din si Vic. Friendly lang naman tayo lahat dito. Kung makikipag-date man ako, makikita n'yo talaga na yun ang kasama ko. Si Vic, in-invite lang niya ako for his birthday, um-attend lang ako. Nandun pa nga yung mga handlers ng Star Magic."
WILLIE'S LEADING LADY. Kumpirmado na si Roxanne na ang kapalit ni Kristine Hermosa bilang kapareha ni Willie Revillame sa pelikulang Mr. Housewife. Ayon kay Roxanne, hindi ito dapat lagyan ng intriga dahil trabaho lang naman ang ginagawa niya.
"Nung tinawagan nila ako, inaprub nila Tita Mariol [Alberto] and Mr. M [Johnny Manahan] na okey. Ako naman, basta inoohan nila, focus ako sa trabahong dapat kong gawin. Kristine is a friend, she's a nice person, so sana huwag naman nila kaming intrigahin," pakiusap ni Roxanne.