Kinumpirma ng kolumnista na si Abu Tilamzik sa kanyang kolum sa Abante Tonite ngayong araw, July 14, na break na ang young actress na si Pauleen Luna at ang Mayor ng Valenzuela City na si Sherwin Gatchalian.
Pero umaasa pa raw si Pauleen na magkakabalikan sila ng pulitiko dahil patuloy pa rin ang kanilang komunikasyon. Magkaibigan pa rin ang dalawa at patuloy ang kanilang pag-uusap at pagti-text.
Pero ayon kay Abu Tilamzik, minabuti raw ng dating magkasintahan na wala munang commitment dahil may pressure sa kanilang relayon.
Bagamat hindi direktang sinabi ni Pauleen ang dahilan ng kanilang breakup ni Sherwin, kakulangan ng oras para sa isa't isa ang madalas nilang pagtalunan. Pareho kasing abala sa kani-kanilang mga gawain ang dalawa; si Pauleen sa kanyang showbiz career at si Sherwin naman sa kanyang katungkulan bilang mayor at pag-aasikaso ng kanilang family business.
Ayon kay Abu Tilamzik, mahigit two weeks na raw ang pagtatalo nina Pauleen at Sherwin dahil sa hinihingi nilang panahon para sa isa't isa.
Pinili rin ni Pauleen na huwag munang magsalita dahil baka pagsisihan daw niya kapag nagbitaw siya ng salita. Pero mukhang patuloy pa rin naman daw ang panunuyo sa kanya ni Sherwin upang magkaayos silang muli.
Paalis si Pauleen papuntang Los Angeles, California bukas, July 15, para sa show ng Eat Bulaga! roon. Maganda rin daw pagkakataon ito upang makapag-isip ang dalaga kung ano ang kahihinatnan ng relasyon nila ni Sherwin.
Nag-celebrate sina Pauleen at Mayor Gatchalian ng kanilang first anniversary last June 19. Si Pauleen ay 19 years old pa lamang at si Sherwin ay 34.