Two press groups condemn Joey de Leon's joke in "Eat Bulaga"

Aug 8, 2008
TV host-comedian Joey de Leon is in hot water again as two press groups protest his joke on Eat Bulaga: "Ang lola ko pumapatay ng mga press people."

Umalma ang dalawang grupo ng mga mamamahayag sa ginawang pagpapatawa ng komedyante at TV host na si Joey de Leon sa noontime show na Eat Bulaga! noong Miyerkules, August 5.

Labis daw na nainsulto ang National Press Club (NPC) at Alyansa ng mga Filipinong Mamamahayag (Afima) sa binitiwang pahayag ni Joey sa "Ang Joke Mo" segment ng Eat Bulaga.

Nagbibiruan sina Joey at mga iba pang hosts ng show na sina Vic Sotto at Jimmy Santos nang sabihin diumano ni Joey ang ganito: "Wala ‘yan sa lola ko. Ang lola ko pumapatay ng mga press people."

Sinabi ng NPC at Afima sa isyu ng tabloid na Bandera ngayong araw, Agosto 8, na "insensitive" ang ginawang patawa ni Joey sa kanilang segment sa Eat Bulaga!

Ayon sa ulat ng Bandera, ang mga katagang binitawan ni Joey ay "masyadong masakit" para sa hanay ng mga mamamahayag na unti-unti nang nababawasan dahil sa mga walang habas na pagpatay sa mga ito.

Continue reading below ↓

"Hindi kinatutuwaan ang bagay na ito," sabi pa ng NPC.

Sabi naman ng Afima President na si Jerry Yap, nakahanda silang magsampa ng protesta sa Movie and Television Review and Classification Board upang kondenahin ang biro ng komedyante at maging aral daw ito sa iba pang personalidad.

Hiniling din ng Afima na dapat humingi ng "public apology" si Joey sa lahat ng mamamahayag sa bansa at maging sa mga kasamahan nito sa movie industry.

Posibleng nag-ugat ang birong ito ni Joey sa alitan nila ng entertainment editor ng Balita na si Dindo Balares matapos isulat ng editor sa kanyang kolum na "flop" ang show ng Eat Bulaga! sa Los Angeles. Dahil dito ay nag-resign si Joey bilang kolumnista sa sister publication ng Balita, ang Manila Bulletin.

Nagpahayag din ng kanyang saloobin si Joey laban sa kolumnista at hinamon itong sabihin kung sino ang tinukoy niyang GMA-7 executive na nagkumpirma sa kanya na flop nga ang show ng Eat Bulaga! sa L.A. Kapag nagawa raw ito ng entertainment editor ay bibigyan niya ito ng tiket papuntang Amerika, hotel accommodation, at pocket money na nagkakahalaga ng $5,000.

Continue reading below ↓

Bukod dito ay nagbanta rin si Joey na magre-resign sa lahat ng programa niya sa GMA-7 kapag naimbitahan sa alinmang presscon ng Kapuso network ang naturang kolumnista.

Sa kasalukuyan ay sinusubukan pa rin ng PEP (Philippine Entertainment Portal) na kunin ang reaksiyon ni Joey tungkol sa pahayag ng NPC at Afima ngunit hindi pa sumasagot ang kanyang kampo.

Read Next
Read More Stories About
Joey de Leon, Eat Bulaga!
Featured
Latest Stories
Trending in Summit Media Network

Featured Searches:

Read the Story →
TV host-comedian Joey de Leon is in hot water again as two press groups protest his joke on Eat Bulaga: "Ang lola ko pumapatay ng mga press people."
  • This article was created by . Edits have been made by the PEP.ph editors.
    Poll

    View Results
    Total Votes: 12,184
  • 50%
  • View Results