FIRST READ ON PEP: Sunshine Dizon returns to work after three-month break

by Rose Garcia
Aug 9, 2008
"Ang tanda-tanda na natin sa business na ito, memorize na natin ‘yan. Kung hindi ka nabuntis, nagpa-rehab ka, addict ka. Kung hindi naman, nagpalaglag. Wala ka nang magagawa, tanggapin na lang natin," says Sunshine Dizon about the rumors that circulated about her three-month break from showbiz.

Malaki na ang ipinayat ng aktres na si Sunshine Dizon nang um-attend siya ng 20th anniversary celebration ng fashion brand na Sabella kagabi, August 8, sa SMX Convention Center sa Mall of Asia. Sa mga hindi nakakaalam, si Sunshine ang isa sa mga naging image model noon ng isang brand ng Sabella, ang Evolution, at very close rin ang pamilya nila sa may-ari nito na si Mr. Ramon Sabella.

"I'm back and excited!" nakangiting sabi ni Sunshine nang kumustahin siya ng PEP (Philippine Entertainment Portal).

Sa Tuesday (August 12) na raw siya magsisimulang mag-shooting ng bagong movie, ang horror film na Sundo, kung saan makakasama niya si Robin Padilla.

"Kasama ko doon si Robin, si Katrina Halili, si Rhian Ramos. Hindi ko na alam kung sino pa ang iba," banggit ni Sunshine.

Matagal-tagal din siyang namahinga sa pelikula at telebisyon. Ngayong nagbabalik siya, instead of a soap opera kung saan sanay siyang mapanood ng mga tao, sa pelikula muna siya unang sasabak. Choice ba niya ‘yon?

Continue reading below ↓

"Hindi rin," sabi ni Sunshine. "I'd like to believe that this is all God's plan. Rest sa TV, at pelikula naman, and I think that's a good thing. Sa TV, may naka-lineup naman. Kaso lahat naman ngayon, bago pa ang soap, wala pa namang natatapos, so we'll see."

THREE MONTHS. Ano ang mga pinagkaabalahan niya sa almost three months of absence niya?

"Nagpapapayat! Nagpapaganda, diet! Nagpupunta ako ng gym, minsan tumatakbo sa village. Minsan kinakain ko lang oatmeal," kuwento niya.

Hindi ba niya na-miss ang showbiz, her usual routine nang pansamantala siyang magpahinga?

"Hindi naman," sagot niya. "I think it was really a well-deserved break. In a way, parang okey rin. Happy rin naman ako na napahinga naman ako for a while. Actually, I don't know nga why people are making it a big issue, e, wala lang naman. Unfortunately, na-hospital ako, I gained weight, so I had to lose the weight bago ako lumabas."

Continue reading below ↓

Natawa na lang si Sunshine na kahit nga sinabi naman nila, dahil sa pagkakasakit niya at pagkakaospital due to her migraine, ay may nag-isip pa rin na baka nabuntis siya.

"Dyusko naman! May nabubuntis na nga ngayon ng tatlong buwan lang? Ewan ko sa kanila... Hayaan n'yo na yun. Kumbaga, lahat naman ng tao, may masasabi at masasabi. Hindi mo naman matatanggal yun. At saka kapag hindi ka pinag-uusapan, hindi ka sikat.

"I mean, that's the truth, di ba? Especially in this business, matakot ka kung hindi ka na pinag-uusapan. At saka ang tanda-tanda na natin sa business na ito, memorize na natin ‘yan. Kung hindi ka nabuntis, nagpa-rehab ka, addict ka. Kung hindi naman, nagpalaglag. Wala ka nang magagawa, tanggapin na lang natin," natatawa na lang niyang sabi.

SUNSHINE'S HEALTH. Pero kumusta na si Sunshine? Magaling na nga ba siyang talaga or madalas pa rin ang pagsumpong ng migraine niya?

Continue reading below ↓

"Okey na! Actually, in a way, sabi ko nga sa mommy ko [Dorothy Laforteza], baka God really wanted me to get hospitalized because in the long run, hindi rin naman kasi magiging maganda for my health yung every time na mina-migraine ako, ini-injection-an ako.

"Umabot na rin kasi sa point na masyado nang matapang ang pain killer na ini-inject sa akin, hindi na nag-e-effect. That's the reason why I have to stay at the hospital longer, kasi ginawan nila ako ng cycle. Parang from 100 mg. Every day down to 50, 30, hanggang sa no more na," lahad niya.

Ngayon daw, umeepekto na sa kanya kahit tablet na lang ang iniinom niya.

"Actually, kaya rin naman ako nasanay magpa-inject dahil din sa mga taping ko. Hindi puwedeng mag-pack-up. E, kapag nagpapa-inject sa hospital, in 30 minutes, magaling ka na. So kumbaga, in a way, baka God wanted me rin to do something. Kasi nakakatakot if I'll get dependent sa medication, maa-addict ka talaga! And it's not good for everyone."

Continue reading below ↓

Aniya pa, "I'm glad that I have to go through something like that. Baka sine-save lang ako ni God kasi hindi rin magiging maganda ang effect sa system ko. At si Mom, nakakahinga na siya kapag sumasakit ang ulo ko, tablet na lang, okey na."

Kahit daw ang mga doctors niya sa hospital ay nagsasabi sa kanya, discouraging her from becoming dependent on such medication.

"Nakakatakot talaga. Kasi ang sa akin noon, Demerol, then after ng Demerol, what's next? Morphine na? So, it's not really healthy."

NO REGRETS. Once in a while raw ay napapanood din niya ang afternoon series na Gaano Kadalas ang Minsan, ang soap opera sa GMA-7 na hindi na niya natuloy gawin at ipinalit sa kanya si Camille Prats. Pero ayon kay Sunshine, wala raw siyang nararamdamang panghihinayang hindi man siya natuloy rito.

"Wala rin panghihinayang. Ako kasi, naniniwala ako na lahat naman ng nangyayari sa buhay ng tao, lahat ‘yan, may dahilan. Whether naiintindihan mo or hindi. But eventually nga, things will always turn out the best for you naman.

Continue reading below ↓
"I think, that's what God wants me to go through and nag-break muna ako sa TV and now, I'm going to do naman a movie, so okey lang. I don't mind, di ba? Masaya," sabi ni Sunshine.
Read Next
Featured
Latest Stories
Trending in Summit Media Network

Featured Searches:

Read the Story →
"Ang tanda-tanda na natin sa business na ito, memorize na natin ‘yan. Kung hindi ka nabuntis, nagpa-rehab ka, addict ka. Kung hindi naman, nagpalaglag. Wala ka nang magagawa, tanggapin na lang natin," says Sunshine Dizon about the rumors that circulated about her three-month break from showbiz.
  • This article was created by . Edits have been made by the PEP.ph editors.
    Poll

    View Results
    Total Votes: 12,184
  • 50%
  • View Results