Ogie Alcasid not allowed to talk about annulment of his marriage with Michelle Van Eimeren

Aug 21, 2008
"Matagal na ‘yang annulment. Actually, you know what, I really can't comment on it, e. Honestly, much as I would like, I can't. I'm being prevented by everybody to talk about it," says Ogie Alcasid when asked about the annulment of his marriage to Michelle Van Eimeren.

First time na nasaksihan ng PEP (Philippine Entertainment Portal) ang singer-comedian si Ogie Alcasid na lost for words. Gustuhin mang sagutin ang mga tanong tungkol sa estado ng annulment para mapawalang-bisa ang kasal nila ni Michelle Van Eimeren, hindi raw puwede.

"Matagal na ‘yang annulment. Actually, you know what, I really can't comment on it, e. Honestly, much as I would like, I can't. I'm being prevented by everybody to talk about it," saad niya.

Pati ang tanong kung itinaon niya sa nalalapit na pagdating ni Michelle at ng kanilang dalawang anak sa Pilipinas ang pagpa-file niya ng annulment, wala pa ring nakuhang sagot mula kay Ogie.

"Hindi talaga puwedeng pag-usapan, pero walang kinalaman sa case ang pagdating niya. They're coming to watch my concert."

Humirit pa ang nakapaligid na entertainment press sa kanya kung hindi ba niya alam na babalik ang tsismis sa kanila nina Michelle at ng kasintahan ngayon ni Ogie na si Regine Velasquez kapag sinimulan ang hearing ng kaso?

Continue reading below ↓

"I really can't answer kahit gusto ko. Sasabihin ko na lang kay Michelle."

Bakit natagal ang pagpa-file niya ng annulment case?

"I can't answer, I'm on a gag order!" tawa niya.

Susunod na ba rito ang kasal nila ni Regine?

"I still can't talk about it."

Finally, nag-give up na rin ang press nang maramdamang wala talaga silang makukuhang comment kay Ogie regarding the annulment case.

WORKAHOLIC. Ang next na pinuna ng press ay ang sobrang sipag ni Ogie sa trabaho. Katatapos lang ng Pinoy Idol, pero sa Friday (August 22), sasalang na naman sila ni Regine sa taping ng pilot episode ng Celebrity Duets na sila ang hosts. Baka hindi niya nararamdaman, pero wala siyang pahinga.

"Marami kasi akong pamilya," biro niya. "Once a week lang naman ang taping nito, saka enjoy ang show na ito, abangan ninyo."

Is Regine part of his family?

"Of course!"

Ipinaalala ng PEP kay Ogie ang pagbibigay niya ng standing ovation kay Regine sa Final Showdown ng Pinoy Idol at wala siyang pakialam pagtinginan man siya ng mga tao sa SMX Exhibition Hall. Ang sagot lang ni Ogie ay: "Talaga namang magaling siya, bakit hindi ko siya bibigyan ng standing ovation? Besides, she's my love."

Continue reading below ↓

"UNPOPULAR" WINNER. Aware din si Ogie na controversial ang pananalo ni Gretchen Espina as the first Pinoy Idol. Tapos na ang singing search, pero inookray pa rin ang dalaga sa iba't ibang website sa Internet at pati sa mga diyaryo ay marami pa rin ang nagsusulat na hindi siya deserving manalo. Any comment?

"Generally, alam mo nung binabasa ko yung mga write-ups n'yo, tama yung sinasabi n'yo e. In fairness to her, she kinda did well, e. I mean, wala tayong masasabi dun, di ba? Although she's not my bet, everybody knows Kid [Camaya], Robby [Navarro], Penelope, Ram [Chaves], and Jeni Rawolle were my bets. Vocally, for me, they were the best.

"But dun sa tatlong naiwan [Jayann Bautista, Ram, and Gretchen], Gretchen...kumbaga, last-man standing siya, e. So, wala tayong masasabi dun. She did well Saturday [final showdown]," pahayag ng Pinoy Idol judge.

Ano naman ang masasabi niya na "unpopular choice" si Gretchen?

Continue reading below ↓

"That can help her become more popular. Alam mo yun, parang may Paris Hilton kind of...kasi anak-mayaman. Ako, I kinda like that, e. May mysticism na ganun, e. Hindi mo agad magugustuhan. ‘Tsaka kung ma-meet mo naman, magalang, hindi siya mayabang, mabait, willing to learn, willing to do everything. And I think that's what made her win. Sometimes the real winner doesn't win, di ba? But you know, the winner takes it all!" biro niya.

Pero iginiit ni Ogie na, "She deserves the title."

OGIE'S PETS. Ibinalita rin na gagawan niya ng album sina Robby, Kid, at Penelope sa ilalim ng IndiMusic nila ni Regine.

"I talked to Ma'am Wilma [Galvante], dahil sila ang magma-manage ng kanilang career at baka may plano sila, so ipinaalam ko at pumayag naman. Si Robby pa lang ang nakakausap ko. Si Kid, cute, and not only that, maganda ang timbre ng boses ng bata. And Penelope, I think is exceptional. Yung mga ganyang mga boses dapat naririnig, e," lahad ni Ogie.

Continue reading below ↓

Bakit bilib na bilib siya kay Robby? Tumatakbo pa lang ang Pinoy Idol, gusto na niya ito at noon pa lang ay inisip na niyang igawa ng album.

"Kasi wala ka nang ituturo pa vocally. Andun na, e, andun na yung rawness ng talent nila, e. Kailangan mo na lang hubugin. Kung hindi n'yo napapansin, si Robby nakaka-duet na niya si Jay R."

Tiyak na matutuwa si Robby na maging producer ng album nila nina Kid at Penelope ang hinahangaan niyang singer-composer. "Sir Ogie" nga ang tawag niya rito bilang paghanga at respeto at sa naitulong sa kanya sa Pinoy Idol.

Ang nakalimutang ibalita ni Ogie ay makakasama niya si Robby sa concert niya sometime in December.
Read Next
Featured
Latest Stories
Trending in Summit Media Network

Featured Searches:

Read the Story →
"Matagal na ‘yang annulment. Actually, you know what, I really can't comment on it, e. Honestly, much as I would like, I can't. I'm being prevented by everybody to talk about it," says Ogie Alcasid when asked about the annulment of his marriage to Michelle Van Eimeren.
  • This article was created by . Edits have been made by the PEP.ph editors.
    Poll

    View Results
    Total Votes: 12,184
  • 50%
  • View Results