Joseph Bitangcol claims he met up with ex-girlfriend Sandara Park while she was here

by Rommel R. Llanes
Aug 26, 2008
"Masaya nga kami, nagbibiruan, at pinag-usapan yung mga nakaraan na. Masaya. Matagal din kaming hindi nakapag-usap. Now, open na yung communication namin, pero bilang magkaibigan na lang," relates Joseph Bitangcol about seeing ex-girlfriend Sandara Park.

Pinabulaanan ng young actor na si Joseph Bitangcol ang sinabi noon ng kanyang ex-girlfriend na si Sandara Park na hindi sila nagkausap o nagkita man lang nang magbakasyon ang Korean young actress dito sa bansa.

Sa panayam ng PEP (Philippine Entertainment Portal) kay Joseph noong August 24 sa birthday party ng entertainment writer na si Roldan Castro, sinabi niya na nagkaroon naman daw ng chance na magkita sila ni Sandara.

"Nagkita kami ni Sandy kasi na-extend ng two days yung stay niya dito. The night before she left, nagkita kami sa bar ko, sa Stoodio Bar. Dinala siya ng isang friend ko dun at nagkausap kami.

"Masaya nga kami, nagbibiruan, at pinag-usapan yung mga nakaraan na. Masaya. Matagal din kaming hindi nakapag-usap. Now, open na yung communication namin, pero bilang magkaibigan na lang," lahad ni Joseph.

So, wala na talagang tsansa na magkabalikan pa sila ni Sandara?

"Sa tingin ko, mukhang malabo na," sagot ng binata. "Unang-una, malayo na siya. Kung magkakabalikan kami, parang wala rin. Mahirap kasi yung long-distance love affair, di ba?"

Continue reading below ↓

Nang lumamlam kasi ang showbiz career dito sa Pilipinas ni Sandara ay nagdesisyon siyang bumalik sa South Korea para hanapin ang kanyang kapalaran doon. Sa ngayon ay unti-unti nang gumagawa ng kanyang pangalan doon ang Star Circle Quest runner-up.

JOSEPH'S NEW GIRL. Malabo na nga sigurong magkabalikan pa sina Sandara at Joseph. Sa isang panayam kasi kay Sandara nang bumalik siya ng Pilipinas ay sinabi niya na wala na siyang pagmamahal kay Joseph.

"Ako rin siguro, wala na yung love na naramdaman ko sa kanya dati," sabi naman ni Joseph. "Sabihin na natin na kung mahal ko man siya ngayon, parang, bilang isang kaibigan na lang."

Hindi kaya ang dahilan kaya wala na rin siyang pagmamahal kay Sandara ay dahil sa balitang may bago na siyang girlfriend na isang half-Pinay at half-Japanese, na ang pangalan ay Nami?

"Basta, ‘tsaka na lang natin pag-usapan ‘yan. Okey kami at magkasundo. Yun na lang muna," iwas na sagot ni Joseph.

Continue reading below ↓

Pero bakit tila ang tipo niyang mga babae ay may foreign blood?

"Ewan ko, nagkakataon lang naman siguro. Siguro, sila yung medyo maganda sa paningin ko," sagot ni Joseph.

A DARING JOSEPH. Samantala, nagsimula na si Joseph ng shooting ng indie film na Walang Kawala, na idinidirek ni Joel Lamangan. Sa pelikulang ito ay ibang Joseph na raw ang mapapanood ng mga tao. Daring na kasi rito si Joseph. Kasama niya sa pelikula si Polo Ravales.

"Dito sa movie namin, may love scene kami ni Polo, pero hindi ko pa alam kung hanggang saan ang pagpapaseksing gagawin ko, kasi nakakailang araw pa lang naman kami sa shooting.

"Kinakabahan na nga ang mommy ko kasi first time kong magpa-sexy. Alam ng mommy ko na magpapa-sexy ako sa movie na ito, pero hindi niya alam kung hanggang saan yung gagawin ko. Ako din naman, e, medyo kinakabahan. Pero okey lang. Butt exposure, okey lang naman siguro, pero huwag lang sigurong frontal," pagtatapos ni Joseph.

Continue reading below ↓
Read Next
Featured
Latest Stories
Trending in Summit Media Network

Featured Searches:

Read the Story →
"Masaya nga kami, nagbibiruan, at pinag-usapan yung mga nakaraan na. Masaya. Matagal din kaming hindi nakapag-usap. Now, open na yung communication namin, pero bilang magkaibigan na lang," relates Joseph Bitangcol about seeing ex-girlfriend Sandara Park.
  • This article was created by . Edits have been made by the PEP.ph editors.
    Poll

    View Results
    Total Votes: 12,184
  • 50%
  • View Results