Masayang naidaos kagabi, September 24, ang 42nd birthday party ng actor-politician na si Bong Revilla sa C3 Events Place, Greenhills, San Juan.
Bukod sa pamilya at mga kaibigan ni Bong at ng asawa nitong si Lani Mercado ay umagaw ng atensiyon ang pagdating ng dalawang babaeng naiugnay kay Bong noon, sina Gretchen Barretto, Rufa Mae Quinto, at Ruffa Gutierrez. Kasabay na dumating ni Gretchen ang kaibigang si Ruffa, na nakatampuhan din noon ni Lani dahil sa "isnaban" issue.
Ayon sa report ni Lhar Santiago para sa 24 Oras, mismong si Lani raw ang nag-imbita kina Gretchen, Rufa Mae, at Ruffa, para matapos na ang isyu sa kanilang lahat at magkasundo-sundo na sila.
Ang nakakatuwa pa ay nang pumunta sa stage sina Gretchen at Rufa Mae, kasama ang mag-asawang Senator Jinggoy Estrada at ang asawa nitong si Precy Ejercito, upang magbigay ng mensahe para kay Bong, na katabi naman ang misis niyang si Lani.
"To Lani and Bong, I hope that you'll happy forever!" bati ni Gretchen habang tumatawa.
Sabi naman ni Rufa Mae, "Heypi-heypi birthday, have many more birthdays to come, and it's good to see you together..."
Sa masayang pangyayaring ito ay si Bong siyempre ang pinakamasaya.
"Finally, natapos na rin yung mga problema na ‘yon, nagkaharap-harap sila ngayon. Yun, masarap ang pakiramdam, maluwag. At least we're all together here in one party," pahayag ni Bong sa 24 Oras.
Bukod kina Gretchen, Rufa Mae, at Ruffa, lalong naging star-studded ang birthday ni Bong sa pagdating ng malalaking bituin sa showbiz at maging sa pulitika.
Hindi siyempre nawala ang mga best friends ni Bong na sina Jinggoy, Phillip Salvador, at Tirso Cruz III. Dumalo rin ang biyuda ni Rudy Fernandez na si Lorna Tolentino.
Dumating din sina Aga Muhlach, Ogie Alcasid, Annabelle Rama and husband Eddie Gutierrez, Joey Marquez, William Martinez, Anjo Yllana, Yasmien Kurdi, Lovi Poe, John "Sweet" Lapus, Michelle Madrigal. Miriam Quiambao, Mother Lily Monteverde, Carlene Aguilar, Jenny Miller, GMA-7 executives Wilma Galvante and Marivin Arayata, German Moreno, Lolit Solis.
Nandun din sina Paul Alvarez and wife Almira Muhlach, former senator Robert Jaworski with son Dodot and wife Evelyn, Ronnie Ricketts, Monsour del Rosario, Jestoni Alarcon, Pia Pilapil, Rez Cortez, Joko Diaz, Jordan Herrera, Mrs. Rose Flaminiano, Marissa Sanchez, Ernie Garcia, Jose Manalo, Wally Bayola, Joel Torre, Leo Martinez, Jacky Woo, Bibeth Orteza, Malou Choa-Fagar, Claire dela Fuente, at Ace Espinosa.
Sa hanay naman ng pulitiko, naroon ang mga kapwa senador ni Bong na sina Manny Villar at Kiko Pangilinan at marami pang iba.
To view PART I of photos, check out this link.
To view PART II, click here instead.