Ang tinamasang pangungutya noon ay nagdulot ng blessing para kay Zoe Gabriel ngayon.
Matatandaan na si Zoe ang 17-year-old Filipina teenager na nakabase sa Singapore at na-bash noong January 2023 dahil tinawag niyang “luxury” ang tote bag na binili niya for 80 Singaporean dollars o US$60 o PHP3,360.
Unang luxury bag iyon ni Zoe na nagmula pa sa kanyang ama, pero minaliit ng ibang netizens dahil di raw kahanay ng high-end brands na karaniwang ginagamit ng mga artista.
Paliwanag niya noon sa kanyang bashers, “Your comment spoke volumes on how ignorant you seem because of your wealth.
“To you, an $80 bag may not be a luxury. But for me and my family, it is a lot.
“And I’m so grateful my dad was able to get me one. He worked so hard for that money.
“I can’t believe I got hate over a bag I was so excited to have.”
Dahil naman sa pangyayari, niregaluhan siya ng Charles & Keith ng dalawang personalized iconic Gabine bags.
Inimbitahan din siya para sa isang lunch at tour sa headquarters ng kumpanya.
At ngayon, bahagi na siya ng campaign ng Charles & Keith sa paglulunsad nito ng purple Alia bag bilang suporta sa UN Women’s Storytelling for Gender Equality program kaugnay ng pagdiriwang ng International Women’s Day sa March 8.
Ibinahagi ng Charles & Keith sa official Instagram account nito last March 4, 2023 ang larawan ni Zoe na bitbit ang hand bag na kulay purple.
Ang caption ng Charles & Keith sa post nito, “Zoe Gabriel, Content Creator and CHARLES & KEITH's Brand Community Ambassador, with the purple Alia bag.
“The launch of this special iteration of the Alia bag is in support of UN Women's ‘Storytelling for Gender Equality’ programme.”
Nag-post din si Zoe sa kanyang Instagram ng katulad na larawan.
Nilagyan niya ito ng caption na, “Women are like flowers: our time and needs to grow may not always align, but that is okay.
“We are like fields of poppy and lakes of lotus—diverse and bold in our differences, beautiful in our own ways.
“This International Women’s Day, let us celebrate with compassion. Let us celebrate with equality through equity, the way flowers do.”
CHARLES & KEITH
Ang Charles & Keith ay itinatag ng magkapatid na Charles at Keith Wong noong 1990.
Dati silang nagtrabaho sa shoe store ng kanilang parents.
Nagsimula ang kumpanya noong 1996 bilang outlet outlet store sa lumang Amara Shopping Centre sa Singapore.
Lumaki ang Charles & Keith at naging popular na brand name pagdating sa footwear, handbags, and fashion accessories.
Sa ngayon ay mayroon na itong 600 stores sa 37 bansa.
Masasabing naging redemption para kay Zoe ang ginawang pamba-bash sa kanya noon dahil nagbukas ito ng maraming oportunidad sa kanya bilang content creator.
Tumatak din ang kanyang mensahe noon kung ano ang ibig sabihin para sa kanya ng luxury.
"My definition of luxury is anything that's a privilege, anything that is hard to obtain, or has a sentimental value.”
More hot stories on PEP.ph:
- Dominique Cojuangco exudes sophistication, elegance in dreamy wedding gown
- Dominique Cojuangco now married to Michael Hearn
- Ogie Diaz on alleged 40 percent cut from Liza Soberano's talent fee: “How I wish!”
- Controversial showbiz personality, isinali ang secret love child sa kiddie talent search
- "Gifted child" Shaira Luna, no regrets kahit hindi naging doctor o scientist