Kilala as frank, open and walang paliguy-ligoy na tao, diretsahang inamin sa PEP (Philippine Entertainment Portal) ni Mariel Rodriguez last Thursday afternoon sa Wowowee dressing room na nagluluksa talaga siya sa pag-alis ng boyfriend niyang si Zanjoe Marudo for Paris for the three-week shoot ng Lovers In Paris.
Kapansin-pansin kasi ang lungkot at black dress na suot ni Mariel sa Wowowee last Wednesday. But Mariel also expressed her happiness sa career growth ng boyfriend.
"Tama, kahapon nga [Wednesday, March 11], naka-black ako sa Wowowee. Pagluluksa yun. Last Wednesday nalungkot ako talaga, umiyak nga ako, na-sad ako ng kaunti kasi siyempre first time niyang mawawala nang ganun katagal. Pero siyempre masaya ako na successful na siya. Pumunta siya ng Paris to shoot Lovers In Paris so masaya ako para sa kanya pero siyempre mami-miss ko siya."
Sabi ni Zanjoe, sana raw sa pagbalik niya sa Pilipinas ay kasama na niya si Mariel sa pagpunta niya uli sa Paris. Gustung-gusto raw kasi ni Mariel na makarating doon. Sobrang touched daw si Mariel sa pahayag na ito ng boyfriend.
"Alam ninyo, mayroon siyang sinabi na lalo akong napahagulgol talaga. Mas maganda raw siguro ang Paris pag kasama ako. Tinext niya ako. Para akong tanga kasi iyak ako nang iyak. Alam niya kasi na dream ko kasi talaga na makapunta dun. Siya kasi, hindi niya naging dream yun, kasi Paris yun. He never thought it would be possible, pero nangyari, e. Ako pangarap ko talaga yun."
Ikinuwento rin ni Mariel na nagpa-despedida party daw talaga siya para sa boyfriend. Nagalit pa raw ito sa kanya noong una pero alam niyang deep inside ay sobra itong na-appreciate ni Zanjoe.
"Oo, nagalit pa nga siya sa akin, bakit daw ako nag-imbita na maraming tao, e, wala naman daw okasyon? Napagalitan niya ako pero after nun, nag-thank you siya, super na-appreciate niya yung ginawa ko. Na-excite naman siya, di na nga niya hinintay ang iba, kumain na siya agad!" natatawa pang kuwento ni Mariel.
Sa tanong ng PEP kung hindi ba siya kinakabahan na baka may makilalang ibang babae sa Paris si Zanjoe at biglang palitan siya, kampante si Mariel na hindi ito magagawa ng boyfriend niya.
"Di naman ako kinakabahan. Three weeks siyang mawawala, that's the first time na magkakalayo kami ng ganung katagal. Before two weeks lang, pero ngayon, tatlong linggo. Okey naman kasi may text, tumatawag naman siya. Ako naman, I trust Zanjoe so much at alam kong wala akong dapat na ikakaba o ikatakot."