Ngayong Holy Week, instead na mag-beach or mag-out-of-town, sa Manila lang daw mag-i-stay ang actor na si Marvin Agustin dahil mas gusto niyang gamitin ang bakasyon sa pagsasanay pa ng kanyang sport na archery.
"Magti-training ako kasi qualifying na namin ng national team sa May. So, I'm taking advantage of the break. One week din yun, so dito lang ako sa Manila."
Obviously, talagang kinarir na ni Marvin ang sport na archery.
"Nag-e-enjoy kasi ako. Alam mo naman ako, kapag nag-e-enjoy ako sa isang bagay, hindi ko titigilan yun. I'm enjoying," kuwento niya sa PEP (Philippine Entertainment Portal).
More than a year na rin daw siyang naglalaro ng archery. Pero ang pagti-training niya with his Korean coach ay nasa seven months pa lang daw. Natatawang hirit ni Marvin, obsessed daw siya kaya naging magaling siya agad sa larong ito.
"Alam mo na, obsession can change the world," natatawa niyang sabi.
Ayon kay Marvin, ang Olympian daw na si Mark Javier ang isa sa makakalaban niya for the national competition. Kung sino man ang papalarin na manalo sa kanila, yun ang magku-qualify sa Southeast Asian Games this December.
"Actually, yun ang sinusundan kong yapak. Idol ko yun at sana magawa ko."
SHOE STEALER. Sa kasalukuyan ay ginagawa pa rin daw niya ang indie film na Sapatos with Nikki Gil. It's a love story and family drama. Ayon kay Marvin, isa siya sa nagnakaw ng sapatos ni Imelda Marcos, pero binigyang-diin niyang it's a love story.
Pang-award din ba ang binigay niyang performance dito?
"Well, maybe...pero ako kasi, I am for a good project, e. Ayokong mapaso yung mga tao kapag nanonood ng pelikula. Ang dami kasing ginagawang pelikula ngayon na feeling ko, pang-sarili. Alam mo yun, hindi masyadong iniisip yung mas malaking audience. So, parang ganoon...I want to inspire people through my film and not with some of my TVshows dahil pumapatay ako run, sana hindi sila ma-inspire run," biro pa ni Marvin na natatawa.
ADIK SA 'YO. Kay Marvin din namin nalaman na may bago silang show ni Jolina at this time, balik primetime soap opera ulit sila matapos silang itambal sa GMA-7 TV series na I Luv NY (I Love New York, 2006).
"Magti-tape na kami after Holy Week. Kami ang papalit sa Ang Babaeng Hinugot Sa Aking Tadyang. It's an original story pero hindi ko pa alam masyado ang mga details dahil inaayos pa nila."
Excited ba siya to work with Jolina on a soap opera again? "Super! Super excited. Alam ko na mag-e-enjoy kami."
Parang after all, Jolina-Marvin pa rin pala?
"Oo naman! Ang sarap ng feeling! Ano siya, parang it's a treat na rin for me, for the fans. Kasi, kami ni Jolina, para kaming naglalaro. It doesn't feel work at all. So, yun...alam n'yo naman ako, hindi na rin ako gumagawa ng mga bagay na hindi ako nag-e-enjoy. Ginagawa ko yun dahil nag-e-enjoy ako. Masaya ko at sa tingin ko, isang reason din yun kung bakit ako nagtatagal dahil nag-e-enjoy ako sa ginagawa ko."
Hindi kaya ang ending, sila pa rin pala ni Jolina? "Bakit hindi?" mabilis niyang sagot. "Pero siyempre, alam n'yo naman 'yang mga ganyang bagay...at saka, bata pa ko," nakangiti niyang sabi.
At least daw, may pang-balanse siya sa S.R.O. kunsaan medyo dark ang character niya. At bukod sa S.R.O. at sa bagong serye nga niyang Adik Sa 'Yo, nandiyan pa ang game show na hino-host niya at ang Dear Friend nila ni Jolina.
Puwedeng-puwede talagang sabihin na isa siya sa well-blessed ngayon sa Kapuso Network. Ito kaya ang dahilan kung bakit lagi siyang naiintriga?
"Naman, ang nangyayari tuloy, imbes na ikasaya ko ang blessing, ikalulungkot ko pa ba? Basta ako, masayang-masaya ko. 'Thank you, Lord' talaga ko nang 'thank you, Lord' everytime na may dumarating na bagong project."
Hindi ba siya bothered kapag na-iintriga sa mga projects na nakukuha niya, especially nang mabanggit nga ang pangalan niya noon ni Annabelle Rama dahil sa sabay-sabay na projects niya sa GMA-7 at hindi siya nawawalan?
"Ah, hindi na...basta ako may work and I love my job. At tingin ko naman, hindi na kailangang ma-bother, hindi kailangan at hindi dapat," pagtatapos ni Marvin.