Bakit hindi inirerekomenda ang pagsisimula ng negosyo, pagpapakasal, pagpirma ng kontrata, at paggawa ng malaking desisyon tuwing Ghost Month?
Ano-ano pa ang mga hindi dapat gawin sa buwang ito? Ano naman ang mga dapat gawin?
Narito ang pagpapaliwanag at mga payo ng isang kilalang feng shui coach.
Read: Are frozen vegetables still nutritious? Nutritionist answers.
WHAT IS GHOST MONTH FESTIVAL?
Ang Ghost Month, o tinatawag ding Hungy Ghost Festival, ay ang seventh month sa lunar calendar.
Pinaniniwalaang sa panahong ito ay nagbubukas ang portal kaya ang mga spirits ay nakakagala sa kapaligiran.
Ito ay batay sa Taoist at Buddhist traditions na ino-observe ng karamihan sa mga Filipino-Chinese at ng Chinese communities sa bansa.
Marami na ring mga Pilipino ang nag-o-observe ng Ghost Month sa pag-asang mapanatili ang kanilang suwerte.
Aminado ang feng shui coach na si Johnson Chua na laging may nagtatanong tungkol sa Ghost Month, lalo na kapag nalalapit na ito.
Pero sa halip na tingnan ito nang negatibo, mas nais ng feng shui consultant na mag-focus sa positibo.
“This is… festive, so wag niyo kaagad isipin pangit agad yung buwan,” ani Johnson sa video na ipinost niya sa kanyang social media accounts, tulad ng Facebook.
Paalala ni Johnson: laging i-practice ang positivity.
“Gusto natin, kailangan positive din po yung buwan natin… So, festival, meaning is like we’re honoring the dead, honoring the souls, were honoring mga loved ones natin [who passed away].
“So, sana ma-treat natin ito much more a better month, not a bad month.”
Paliwanag niya, ngayong taon ay opisyal na magsisimula ang Ghost Month sa August 13 hanggang September 10.
Sa August 27, 2026, naman daw ang festival date.
“Every year po, nagpapalit ang mga date na iyan, kaya kailangan updated lagi,” paalala niya.
Alam ni Johnson na marami ang nag-iingat sa panahong ito, pero huwag daw itong ituring na “bad month."
“Gusto po natin, kailangan maintain positivity. Tapos simple prayer, simple offering.
“Sa inyo pong hindi masyadong gumagawa po ng offering, just a simple prayer lang po,” payo niya.
DOS AND DON’TS DURING GHOST MONTH
Inisa-isa naman ni Johnson ang mga dos and don’ts ngayong Ghost Month bilang gabay sa mga naniniwala rito.
Avoid staying up late at night outdoors.
“This is a time na medyo there’s a lot of spirits in the environment,” paliwanag ni Johnson.
“Medyo magiging mabigat din po yung aura natin. Gusto lang po natin iwasan yung mga accidents. Saka, syempre, pag gabi, mas malakas ho kasi ang mga spirits.”
Mahirap daw kasi ma-distinguish kung positive o negative ang spirit, “so, we also want to be careful,” aniya.
Paano naman kung hindi maiwasan ang paglabas sa gabi?
“Ngayon kung hindi natin maiwasan, pero grupo naman po kayo na lumalabas, marami naman po kayo, mas more safe po tayo pag ganoon.”
Avoid swimming at night.
Iwasan daw ang pagsu-swimming sa gabi, lalo na sa mga natural bodies of water tulad ng river.
“Kasi may kasabihan din always sa mga spirits po, o mga ghosts, medyo attracted sila sa water, kaya minsan kung saan yung tubig, mas more doon sila napapalapit, because water is also Yin.”
Ang Yin Yang ay ancient Chinese philosophy na tumutukoy sa pagsasama ang opposite poles; ang Yin (negative) at Yang (positive).
Pagpapatuloy ni Johnson, “Kaya medyo iniiwasan natin yung mga swimming kasi para iwas tayo sa mga water accidents o swimming accidents din.”
Dagdag niya, “Kung gusto niyo mag-swimming, try to do it in the morning.”
Read: ASK MERALCO: How everyday use of appliances affects monthly bill
Avoid making major decisions like business ventures, engagements, marriages, etc.
Ngayong buwan, hindi raw masyadong malakas ang energy in terms of positivity.
“Iniiwasan po natin yung mga marriage or engagement, signing contract, opening of new business, or major renovation…”
Pahayag pa ni Johnson: “Kasi we don’t want to start something pagdating ng Ghost Month Festival, kasi may kasabihan tayo lagi na, ‘first impression lasts.’ Pag sa feng shui kasi, may kasabihan din na, ‘first energy also lasts.’
“So, siyempre, we want to start everything in a very good time. That’s why date selection is very important.”
Ito rin ang dahilan niya kung bakit hindi niya inirerekomenda ang pagsisimula ng negosyo sa panahon ng Ghost Month: dahil mababa ang energy.
“Parang naki-curse agad yung energy ng araw natin, kaya iniiwasan po natin siya,” diin niya.
“Saka tandaan niyo po, pag sa mga engagement or wedding, siyempre, hindi maiiwasan may mga handaan tayo, naa-attract kasi sila sa mga food and entertainment, so may tendency mamaya pupunta sila atin, makiki-join sila...”
Sa pagpunta raw nilang iyon at walang offering sa kanila, “So, mamaya may tendency, puwede nila tayong ma-curse.”
Ani Johnson, “Kaya iniiwasan po natin siya.”
Pagpapatuloy niya, “Kaya sa mga nag-o-open ng business o signing ng new contract, or starting new job, try rin natin iwasan itong buwan ng Ghost Month Festival.”
Avoid picking anything from the outside.
Iwasan daw ang pagpulot ng mga coins o anumang pagkaing makikita sa labas.
Paliwanag ni Johnson: “Kasi pag sinabi nating offering minsan naglalagay po tayo ng mga pagkain o mga pera, ‘tapos yun ang ino-offer natin.
“Mamaya akala nila offer yun for them, tapos pag pinick up mo, may tendency mamaya sumunod sila sa atin. Para natin silang inaagawan.
“Kung sakali man meron tayong nakitang pera na nasa daan o something pero kinuha niyo pa rin, siguro i-donate niyo na lang. Wag niyo pong gamitin o wag niyong kunin.”
Avoid talking ILL about the spirits.
Iwasan daw ang pagsasalita nang hindi maganda ukol sa spirits.
Paliwanag ni Johnson: “Minsan words become a sword. Itong curse energy kasi, kunwari minsan nag-uusap tayo, dyino-joke natin yung mga spirits or what, yung mga words na iyon, nagko-cause din ng emotional energy, minsan nagko-cause di ng negativity.
“’Saka alam niyo po yung mga sinasabing pabulong? Alam niyo po, minsan pag nagsasabi tayo nang hindi maganda, akala nila inuutusan natin sila.
“So, pag ginawa po nila iyon at nagkaroon ng negative [effect], may karmic aside po tayo doon. Kaya iniiwasan din po natin.”
Avoid emotional instability
Binanggit ni Johnson ang kahalagahan ng pagkakaroon ng positibong disposisyon.
“Pag negative po kasi ang emotion, may tendency po, bumababa yung aura natin, mas mabilis tayong ma-possess, mas mabilis tayong mapaglaruan pag bagsak po yung emotions natin.
“Tayo mismo pag mataas yung negative emotions natin, bumababa rin yung intelligence natin o critical thinking natin, kaya iniiwasan po natin yung major decisions… pag marami masyadong negative emotions.
“Mamaya mali-mali rin po yung nagiging decisions natin.”
Avoid loud parties, singing, dancing…
Kung ang paniniwala ng iba ay gusto ng spirits ang matahimik na lugar, ang sabi ni Johnson: “ They are attracted to entertainment. They are attracted to food…
“Kung saan po maingay, may tendency minsan doon po sila napapapunta rin, kasi akala nila may entertainment…
“[S]pirits are Yin energy, and mga loud noises are Yang… minsan po nadi-distract sila, nadi-disturb sila kaya ayaw po din nila doon.”
Avoid travels, risky sports
Umiwas din daw sa mga aksidente.
Ayon sa consultant: “Kasi medyo high-prone accidents po kasi pag Ghost Month Festival kaya dapat po talaga ay medyo ingat-ingat tayo.
“Puwede mag-travel, pero yun nga lang po, kailangan doble ingat. Huwag yung mga risky sports… iyan po ang iniiwasan natin...”
DOs: Stay aware, stay alert, remain positive
Pagdating naman sa Dos, isa lamang ang paalala na ibinigay ni Johnson.
“And the most important, ito ang nag-iisang do, is always stay aware, stay alert, and always maintain a positive mindset.”
Paliwanag ni Johnson: “Kasi pag positive ang mind mo, pag positive ang emotion mo, you can also ward off all of these kinds of negativity.”
Samantala, may ilang neti:ens na nagkomento kung ano ang gagawin nila kung panggabi ang kanilang trabaho.
May isang netizen ding nagtatanong kung ano ang gagawin kung naghahanap siya ng trabaho. Paano kung nakahanap siya ng trabaho sa panahon ng Ghost Month.
Batay sa kanyang sagot, the key word is "avoid."
Aniya pa: “Basically not really bawal as we say... [if] we can avoid, try to avoid... but there is always an exception, so if you have no choice then we need to do it right... Maintain Positive, enhance positive and create Positive Energy... puwede pa rin magawan ng paraan... Use the Date Selection, right Fengshui Flow and use cures to minimize negativity.”
